بالنسبه لعهد الزهراني
قريت بتوتير انها تعرضت للاختطاف من قبل .. لكن فشل...
ومشتبه بجارهم ...
واتصلت حرمه من حايل تساومهم ع البنت...
والناس اللي ماتخاف ربي يتصلون على امها يستهبلون....
الله يردها لأهلها سالمه يارب ...
لكن بقولكم شيء ... انتم شفتوا حال بناتكم باالأسواق ...
ماتخافون يصير لهم مثل ماصار لها البنت ؟!!
انا مااتكلم على القليل من اللي بالاسواق لبسهم محتشم
وحتى بعضهم عباية كتف ونقاب بس وربي بحالها ماتناظر احد
لكن تجيكم بنت توها طالعه من البيضه وفرحانه بالعبايه...
وتلبس سكيني وتفتح العبايه من الركبه وتحت...
والجزمه الله يكرمكم عليها لون مدري وش يبي
وتتغنج بمشيتها ولبسها وضحكتها وشلتها حوالينهـآ
المناكير لون والعدسات لون والبلاك بيري والجراب تبعه لون يخلي الاعمى يدقق ...
وليته بمكان مايفتن الا على الصدر ...
وكأنه محد عنده بلاك الا هي ..
وتدور من محل لمحل وتتدلع وتتغنج ...
اقسسسم بالله اني شفت واحد بكشك تغليف هدايا وقدامه بنت ..
متكيه ع الطاوله كأنها تتابع فلم يدها على خدها حانيه ظهرها يعني شكلها مقزز مرررهـ شبه راكعه
وهي تكلمه والضحكه صوتها من كيلو ينسمع
والشاب فاك ضروسه يناظر ويتأمل ...
وين امها ؟ تروح تجلس وتخلي بنتها تفلت ليش؟؟
اقسسسم بالله لو لي سلطه عليهم لأجلدهم وحده وحده...
تخيلوا قدام عيني واحد يمشي هو وحرمته وشلة بنات يمشون واول ماشافوا الرجال
مدري وش جاهم طلعت الاصوات والضحكات وجتهم هزات ارضيه تبي تفتن بجسمها
والعبايه مابقى لون الا وحطته بأكمامها ..
ياعااااالم قسم بالله لوتضيع وحده من بناتكم لتندمون اشد الندم
لأن بنت بتضيع بتخرب سمعة عائله غير سمعتها اللي بتروح العمر كله ..
شوفي بنتك اذا جيتي تطلعين السوق ... مناكير تمسحه
جزمه الله يكرمكم ماتلبس لون ملفت
اكسسوارات ساعه مدري ايش مافيه صوتها يطلع عقاب ...
اللي هذي حالة بناتها وهي عمرها ماوصلت 15 كيف بتحكمها اذا كبرت ...؟!!
اقسسسم بالله اختي باالابتدائي تفرح بالعبايه تقول بلف طرحه وصلحيلي بف :09:
وهزئتها لما تأدبت ... عارفين ليش لأني احبها ماابيها تضيع ...
الايبود تبي تعلق جرابه على صدرهـآ واحلف ماتأخذه معها السوق نهائي ...
هذا واحنا محنا راعين اسواق من فتره لفتره نطلع ...
وتأثرت ويعجبها اشكالهم ...
امي من تجي الوحده عمرها 7 سنوات ماتطلع الاسواق الابعبايه ومن تجي 10 سنوات تلف الطرحه
اول كنت اقول معقده بس بعد ماتزوجت وعرفت قيمة الضنى والخوف عليه صرت أأيد امي بكل حرف وكل
كلمه ..
وش يضركم لوبنتكم لبست عبايه ماتشوفون هالبنات تجي صغيره وجميله ماشاء الله ومليانه
وتلبس شوت والبلوزه نص الظهر طالع ...
وتلاقين شكلها ملفت ماله داعي كثر الزينه بالاسواق ,,,
لبسيها جنز واي بلوزه ماتكون عريانه ...
او فستان ناعم وماهو عاري
ترى الناس عيونهم ع الصغير قبل الكبير...
والله يستر ع الجميع واستروا على ماواجهتوا بس فيني حره وطلعتها خخخخخخخخخ
رجاء .. اللي عندها تعليق بايخ تسكت اكرم لها ...
مرجوجه جدن:) @mrgogh_gdn
عضوة نشيطة
يلزم عليك تسجيل الدخول أولًا لكتابة تعليق.
لا اله الا الله
الله يجزاك الجنه
الله يستر علينا ويحفظنا ~
اللهم احفظ عهد وردها إلى أهلها سالمة يارب العالمين .يامن لا تضيع ودائعة نستودعك إياها اللهم احفظها بحفظك وأكلأها برعايتك يارب
الله يجزاك الجنه
الله يستر علينا ويحفظنا ~
اللهم احفظ عهد وردها إلى أهلها سالمة يارب العالمين .يامن لا تضيع ودائعة نستودعك إياها اللهم احفظها بحفظك وأكلأها برعايتك يارب
الصفحة الأخيرة
واتمنى كل أم تحافظ على بنتها