تحية الصباح اهديها الى احلى عالم
واقدم لكم وصفة لذيذة من وصفاتي اللي كانت في جهازي وتاخرت مانزلتها لظروفي
في البداية نكون مجهزين عجينتنا المعتمدة
ندهن قوالب التارت الصغيرة بالزيت
هذي القوالبقاعدتها متحركة وتساعد في اخراج التارت
نحط العجينة فيها
نحط فوقها شريحة من الجبن والفلفل البارد والبصل الاخضر وممكن بدل البصل نحط الكزبرة الخضرا
وفوقها بيضة وزيتون اسود
نرشها ملح وفلفل اسود واريغانو حسب الرغبة
ندخلها الفرن الحار لمدة 10 دقايق او لين تحسن ان البيض استوى ترا على حسب الفرن
انا سويتها في فرن خذت عشر دقايق وفي فرن ثاني خذت 18 دقيقة
طبعا يكون شغال فوق وتحت
الطعم كان يجنننن
الحمدلله الذي رزقنا هذا من غير حول منا ولا قوة
ملاحظة: اذا الصبح ماعندج وقت تعجنين ممكن تجهزين العجينة اليوم وتخلين منها 6 او 10 كور على حسب القوالب اللي تبين تسونيها تخلينها في الثلاجة ليكرا والصبح للفطور اشتغلي فيها عادي
