صباح الوطنية اليوم يومك ياوطن

الملتقى العام

رفرف يالأخضر ترتفع هامة الغيم


لا مرّته نسمة فخر من نسيمك


يا ملكتنا العز بظلالك مقيم


أنتي نديم العز وهو نديمك


ما عاش من فكر يحدك على الضيم

يضيم نفسه من يفكر يضيمك

أمكرمك ربي بالإسلام تكريم

وخادم بيوت الله زارك وزعيم

سلمان من صمم على الحزم تصميم

خلا جديدك يتقرن مع قديمك

وولي عهده فيه مسك الخواتيم

خلا ثراك يعانق أطراف غيمك

أمسلمين الأمر لله تسليم

وما عمره أفلح يا بلدي غريمك

في نعمتك ما عاش بس الأكاريم

حتى الفخر يا دار عاش بنعيمك

نهيم بك والمجد معنا بك يهيم

الله يديم الحب والله يديمك

أمقدمين الروح بالكف القديم

لعيون نسناسك ووردك وديمك

عزم السعودي حطم الصعب تحطيم

يموت ما غمض عيونه خصيمك

عظيم ما تحتاج رفعه وتعظيم

0
66

يلزم عليك تسجيل الدخول أولًا لكتابة تعليق.

تسجيل دخول

خليك أول من تشارك برأيها   💁🏻‍♀️