صبايا ابي افضل طريقه لمحشي الكوسه

انا احب هالحشوه هاذي رز مصري مسلوق نص سلقه بعد ماينسلق اصفيه
احط بالمقلاه زيت وبصل وثوم مفرومين لحد مايتحمر واضيف بهارات ومكعب ماجي وملعقة صلصل بعدين احط الدجاج المفروم بعد مايتسبك كويس اشيله من ع النار واحط عليه بقدونس مفروم ورشة نعناع ناشف واضيف لوز محمر انا احبه بعدين اخلطه مع الرز وعوااافي ع قلبك لذيذ مررررره
ادعي لي بالذريه الصالحه وتسخير زوجي لي:)

الله يوفقك ويسعدك ويسخر زوجك لك

ويرزقك بالذريه الصالحه عن قريب ويحقق لك جميع امنياتك يارب


الف شكر لك

انا المحشي حقي جدا سهل وماياخذ وقت
حشوتي: بصل احب الابيض وثوم وطماط مقطعين صغار وإن وجد شوي كزبرة مفرومه وتقريبا فنجان رز مصري مغسول وتقريبا ربع كاس او اقل شوي لحم مفروم وممكن تستغنين عن اللحم المفروم وتزيدين الرز المصري بس باللحم ألذ
المهم تخلطينهم مع بعض ثم تحطين عليهم ملح، فلفل أسود، بهارات، كاري، واذا تحبين شوي كزبرة ناشفه اذا ماعندك كزبرة طازجة
تحركينهم وتحشينهم جوا الكوسه انا مااسلق ومااطبخ الحشوة قبل لانها اصلا بتستوي مع الكوسه وانا ماابيها تستوي زيادة والكوسة لسى مااستوت المهم جيبي قدر يكفي كمية الكوسه وهي واقفه احط في مقدار نص القدر مويه مغليه ومعجون طماطم وشوي من شرايح بصل وثوم وماجي واصف الكوسه واقفه بتكون طالعه من القدر والمرقه بترتفع مع الكوسه اغطيها بقصدير واطبخها على نار متوسطة تقريبا نص ساعة او على حسب الكمية عندك، انتِ افتشي القصدير وشوفي استوى او لا وممكن تطبخينه في قدر الضغط بيستوي اسرع صرااااحة لذييييييييييذه ومعروفه بالمحشي ويزوجي يعشقه وحتى انا اوقات اشتهيه شهوة بس اللحم يلعب دور مااحب اللحم المجمد زي شهيه نكهته غير استخدمي لحم مفروم طازج او لحم امريكانا المجمد مكتوب عليه لحم مفروم خشن طعمه بالضبط نفس الطازج جربي وبتدعين واللب اللي فرغتيه من الكوسه لاترمينه انا ابشر معه جزر وبطاطس وشرايح بصل وثوم وفلفل بارد وكزبرة فالطبخ او بقدونس للتزيين واي خضار عندي واطبخهم مع صلصة طماط واضيف لها نكهات لحد ماتنشف شوي واخليها كشنة للرز روووووعه ومره سلقتها مع الخضروات وخلطتها سويتها شوربة خضار المهم تصرفي فيها بس لاترمينها حرام.

إن شاءالله يضبط معك بأي طريقة
بس طريقتي سهله ومختصرة ومافيها حوسه وماتاخذ وقت ولا جهد خصوصا لو شريتي الكوسه مقوره او انتي قورتيها بدري وماراح وقتك فيها.

موفقه

الاخوات ما قصروا

البنات ماقصروا