صبايا وش الحل مع اخوي .....للحكيمات فقط

السلام عليكم ..
صبايا عندي اخ محسودين عليه ..دين اخلاق بر في اهلي جميل بس جمال وسط ومقرش وكل علومه ماشاء الله محبوووووب جدا بيننا ...كل بنت تتمناه بنات خوالي واعمامي يابنات وربي فيه منهم من تلمح لنا يبونه
ومحظوظ سبحان الله بحب الناس له ....ماشاء الله تبارك الله ..
اللي صار انه زوجناه وحده ماتقرب لنا بس بنبعد عن الاقارب حفاظا على العلاقات ...
وزوجناه وحده جميلة الجسم والشعر ماشاء الله شقراويه ....وكان هدفنا الاخلاق بس ذكرت لنا ذالعايله بالطيب ويوم رحنا الا حظه سبحان الله حلو ...
اللي صار زوجناه وجلست سنه اخلاااااااااق جدا
وحبيناها جدا
لكن كانت مهمله جدا جدا بنفسها لدرجة كانت زوجة اخوي الثانيه تقول وش ذا ماكانها عروس حتى شعرها ماتسرحه عز الله مازوجتوا اخوكم ....
وولا نعرف العطر فيها الله يهديها اذا جات عند اهلي ببجامة من بجايمها وهي بنت مغسوله مية مره .....
طبعا حنا ماتدخلنااااا ابدا ابدا والله لو نشوفها مدري وش زوجها عندها ولا لنا علاقه ..
اللي صار .. بعد سنه كلمتها امي باسلوب
البسي اكشخي استمتعي بشبابك ليش كذا اذا ولدي مقصر والله لالعن ساسه
طبعا قالت لا مو مقصر بس انا ابي كذا ومالكم دخل ..
وزعلت ع امي لدرجة صارت تتجنب امي ..
وبدت تطلع الاخلاق
صارت اذا جلست مع زوجة اخوي الثانيه تقول خير لابسه وكاشخه لمين تلبسين انتي ...
زوجات اخواني الباقيات يابنات كشيخاااااات جدا جدا ماشاء الله
وبالذات وحده منهم مرررره لا اله الا الله ..
فصارت تشوفهم وتقول انتم لمين تلبسون !!
يقولون لنا ولرجالنا
تقول الرجال هو اللي يلبس لكم ياغبيات
وصارت تقول مستحيل البس له وش حضرته !!
المهم صارت مواضيعها داااايم مع زوجة اخوي الثانيه بالرجاجيل
وزوجة اخوي الثانيه عكسها تماما بالفكر بس اذكى وتعرف لرجالها ماشاء الله ومجننه رجالها مع انها عاديه بس كشيييخه وتدلعه لدرجة اهلي يقولون ولدنا مسحور وش ساحرته به يضحكون ..الله يحفظكم اذكروا الله
واخوي الثاني اللي زوجته كشيخه ماينادي زوجته الا حبيبتي وعيوني ...
المهم يابنات ..مرت اخونا الجديده صارت تحاول تدخل بحياة الثانية الكشيخه ..حنا نشوف وساكتين .. وتحاول تبرمجها ع رجالها
صار بينهم مداقات بالكلام ..
الكشيخه تقول انتي مهمله نفسك وزوجك تبين الناس زيك ..والجديده تقول انتن غبيات عبدات للرجال ويدخلون في نقاشات حاده حنا ماندخل بينهم لان صعب
اللي صار الحين ان زوجة اخوي الجديدده لها ثلاث سنوات ماتغير شي .. مهممممله وفكرها عن الرجال غلط وعندها اختها الثانيه دايم تنضرب وتنهان من رجالها فثارت تحرض مرت اخونا على اخونا ....
اخوي سمعها مره ودى زوجته وسمعها توصيها لاتعطينه وجه الرجاجيل مايبيلهم الا من يهينهم ....زعل اخوي وحلف زوجته ماتطب عند اختها ذي
واخذ جوالها وفتح المحادثات ولقيها تحريض
وحذر زوجته ...
يابنات شقولكم صارت تغار جدا مننا حنا ياخواته وتسب اشكالنا ويوم نكشخ تسبسب وتقول اشين بنات اشوفهم وعلى ايش تكشخون !! وعلى ايش يقولون الناس انكم جميلات ......انا تحملت وصرت ارد
ومسكتها يوم وفهمتها الواجبات الشرعيه بالزوجه ....فما زادها الا سوء
تركتها وقلت مالي شغل فيهم ابدا زوجها يعلمها والا عساه مايعلمها ....
اللي صار صارت الحين تسب اخونا قدامنا
وتهزئه واذا تكلم معاها باسلوب تطير فيه
يابنااااااات البنت ذي احسها معقده علما بان عمرها 33
لهم الحين ثلاث سنين
بدت تطلع فضايحهم
اخوي صار نحيييييف عصقول
بس الكشخه لا كشييييخ للامانه ..
بس صار يجي لامي يمه زوجوني
ويكرر علينا دوروا لي عروس محترمه
وصار احيان يقوله قدامها وهي تسوي حركة طززززز فيك
والبلا ماجاهم عيال ..وطلع هي عندها الرحم فيه تمزق ع كلامها ..واخوي عنده ضعف حيوانات ..... ومارزقهم الله الله المستعان ..
المهم نسيت اقولكم
دايم تكرر انا تزوجت بدري وتهورت المفروض مااتزوج الا اذا وصلت 35
انا باقي صغيره
انا جميله وانتم كلكم شينات عندي (حنا دايم كنا نقول لها بوجها انتي حلوه ) فصارت تقول انتم اعترفتووا اني اجمل منكم ...
وتحقر اخوي بيننا وعند حريم اخواني الباقيات..وتحقر الرجاجيل
صاروا حريم اخواني يتجنبووونها يقولون عقلها صغير .......
يابنات
ماندري كيف ننصحها وصعب جدا التعامل معاها
انسانه مغروره وكسوله وزعوووووله جدا
صار اخوي مررررره الحين يقول زوووووجوني ابي زي اخواني حرمه تقدرني تحترمني تحسسني بقيمتي ..
وللامانه رفضنا نزوجه لان صعب مره ابوي رافض .. يقول يصبر ع مرته ولو فيها عيوب الدنيا كلها وتبرا من اخوي لو تزوج ع زوجته
والسبب يقول مانبي خلافات مع اهلها
وابوي عنده قناعه ان الرجال مايتزوج الا اذا وصلت زوجته للحرام .....ابوي جدا صارم
اخوي الحين صار يتصل علينا وحده وحده
زوجوني زوجوني والا والله لاوصل للحرام
وش الحل اعطوووووونا حل
اختي قالت بنكلم ام زوجة اخوي وننبهها ان بنتها ذي علومها لعل تتعدل ..
حنا يالبنات مانبي ندخل ابداااا
والمشكله اخوي صار مررره كارهها
لاحول ولاقوة الا بالله العلي العظيم
امي يابنات مريضة قلب ومانطلعها لشي
ومتورطين ومبتلشين مع اخونا وزوجته
نسيت اقولكم
ام زوجة اخوي يوم تزوج اخوي بعد شهر العسل راحت قالت له .. بنتي ذي جدا كسووووله ورفله فالله يعينك عليها
الام على نيتهااااا ترون وطيبه بس تمنيننا انها ماقالت كذا
ليتها علمت بنتها بصمت وانتبهت لها بدون مايحس اخوي
المهم انا دايخ راسي
اعطووووووونا حلووووووول
ابي حلوووووول لو مكاننا شتسوون
حنا البنات مانبي ندخل
وامي مريضه ماتتحمل
وابوي حالف
واخوي مبلشناااا
😭
وسامحوني الموضوع ركيك شوي بس اكتب مستعجله