صبرت أكثر من طاقه البشر على صبر.وبالنهايه تطلقت . فعذرا نفسي.

مشكلتي صبرت أكثر من طاقه البشر على صبر .ومشكلتي صرت وخليت نفسي ممسحه له ولهله أهل زوجي ابي اشتري حياه هي من الاساس فاشله.غلطتي كنت اسمعهم يجرحوني باذني وسوي نفسي مانتبهت (المفروض حنا مانخطب لاخواني يكفي زيجه اللي قبل ماجتهم نفسيه إلا لماتزوجو)(فلان تغيرت نفسيته من خمس سنين) وهذا عمر زواجي .قمه القسوه على نفسي لما أخليها تالم وتنزف وماكنت ابرد على جرحها
أنا ماعرف وشلون الحريم تزوجو ﻷني جاهله وغبيه .عشت مع زوج مثل الاطفال حياته طيش كان يحب الحياه
يحب نفسه يحب الدنيا يوم حس بثقل المسؤليه قال مابيج من شهور الاولى قربت يمه وقلت يافلان تكفى ابي الامان عطي الامان مابي ارجع بيت اهلي .هجر بشهوررررر ماعرف السوق كل سنه مره ماعرف المطاعم ماعرفت اللي انتو عرفتوه عشت بغرفه اناوولدي سنه وهو مايكلمني مايبيني .يوم طفلي الثاني طلع معاه تشوه يمشي بالمستشفى ويقول هذا من زواج الاقارب.كنت أقول انا قاعده بيت عمي هذا ابوي لكن عمي طردني على خطابسيط حبيت افرح مثل الاطفال وطردني من بيته قال روحي تراج مطلقه من زمان وتدرون قعدت ظليت قاعده .كل هذا عشان مارد بيت أهلي بيت اهلي كنت اشوفه جحيم امي قاسيه وتجرح وجرحها يدمي القلب
وصارويسولفون للناس يقولون مطللقه وانا للحين قاعده بيتهم وصل الخبر لاهلي ورجعت.ومن اربع سنين معلقه مطرش ورقتي
تدرون وش نتيجه الصبر (طول الوقت اشتم العن كلام فاحش افجر بالقول حتى الميتين اسبهم امي العنهم واشتمهم لواحد قالي زحي وراج انفجرت بوجههه ماتحمل اي احد انسحبت من الناس لان مافي احد بعيني
ماحد يستاهل أنا نعزه او نحترمه ماحد بعيني حتى الزواج اشوف الحريم المتزوجات مسكينات وشلون يرضون على نفسهم يعاشرون ويعيشون مع زوج باي لحظه يدير ظهره ويمشي ماعندي ثقه باحد اهم شي نفسي
ماعندي صديقات كان عندي ناس وابعدت عنهم.
وكل هذا تدرون ليش لاني صبرت أكثر من طاقه البشر على الصبر.