صبرني يارب

السلام عليكم فيني غصه من زمان بس زادات لها اسبوعين البدايه من كنت صغيره وانا ماتفق مع اهلي لحد ماتزوجت والمشاكل وراي مارتحت
السالفه ان الله رزقني بنات والحمدالله الله ماكتب لي ولد وانا ماعندي اي مشكله مربيتهم على حفظ القران ومدخلتهم احسن المدارس وامي دايما تزن علي احملي واحمل ويموت بطني او اسقط الحمدالله على كل حال بس اللي انا مقهوره منه ان اخوي الله رزقه ولد وبنت واختي الله رزقها ولد دايما اشوفهم يخبون عيالهم عني ومايرضون امسكهم ولا حتى اصورهم كنت دايما اتعوذ من ابليس واختي اذا شرت اغراض لولدها ماتخليني اشوفه شي مره كنت عندهم اخذت بنتي جوالي تبي تصور ولد خالتها وهي تلعب معه قاموا يصارخون لا لا وقامت اختي اللي اصغر منها تسحب الجوال من بنتي واخذت منها عشان ماتمسح الصوره صرخت وقالت ماحد يبيك تصورين عيال فهمتي سكت عنها وماعطيتها وجه بي اللي قهرني امي واختي كانوا موجودين ماحد كذبها يعني الكلام واحساسي صحيح صار لي اسبوعين ماكلمهم ولا اروح لهم من القهر دموعي تنزل بناتي كانوا مثل الدمى بيدهم يلعبونهم ويلبسونهم وانا صاروا يخافون على عيالهم من عيني
بخاطري اتكلم لحد وافضفض له لكن للاسف صرت وحيده بذي الدنيا
مادري انا ابي احد يواسيني او احد يعطيني حل للي انا فيه