صبر عمة صديقتي الله يسعدها ..

السلام عليكم ورحمة الله وبركاته ....



هذا القصة بقولها لكم عن عمة صديقتي من لما كنا ندرس بالمتوسط يعني قبل 7 سنين تقريبا وكانت تسولف لي عن عمتها انها عندهم ساكنه مع جدتها لان جدتها فيها فشل كلوي وتعبانه سكر ومقعده على السرير ...

وكنت دائم اسال عن عمتها تزوجت ولا لا تقول لااا عمتي رافضة الزواج تقول الي بيتزوجني يرضى فيني انا وامي ولااا ما اتزوج ابدا انا بهتم بامي واغسلها والبسها واكلها واهتم فيهااا ...على ان ام صديقتي ماشاءالله طيب وماتقصر بس تقول عمتي من حبها لامها ...


وكانوا يتقدمون لها وصار ماحد بعدين يتقدم وهي كان هذا شرطها دائم ...العرسان دائم يرفضون ووصار ماحد يجي بعدين ...

وهي كانت مستمره تهتم بامها ....وكنت اسال صديقتي عننها باستمرار لان كانت تربطني علاقة بعمتها وزرتهم وقابلتها كنت فعلا شايله همها وافكر فيهاااا...

طبعا عمرهااا دخلت الثلاثينات ....

وسنة 2011 بشهر 7 توفت امهاا ...وراحت هي انتقلت من السكن عند صديقتي واهلها وراحت لابوها لان ابوها شايب وكبير وساكن عند زوجاته بالديره ...

وماشاءالله اليوم اسولف مع صديقتي اسال عنهاا قالت ماقلت ابشرك ان عمتي تتزوجت بالصيفيه ...

وماشاءالله الي جاءها قلت متزوج قالت لااا ارمل توفت زوجته وعنده اولاد ووخطب عمتي

وتقول ماشاءالله يقولها شبيك لبيك لو تبي وش ماتبي نفذه لها ومدلعها ويحترمها هو واولاده ....

فرحت من قلبي لها لان عمره بنص الثلاثينات مادري كم بالضبط ...بس نتيجة صبرهااا مامر سنة على وفاة امها الا ربي عوضها بالخير ...

اتمنى الجميع يدعي لها بالذرية الصالحه ويقول ماشاءالله ....

تفاءلوا بالخير وادعوا الله وانتوا موقنين الاجابة ...وكل انسان بياخذ نصيبه لكن لاتستعجلون ....


والله يوفقها ويحفظها ويوفقكم ويرزقكم يارب .....