السلام عليكم ورحمة الله وبركاته
يسعد مســـاء وصباح حوائياتي العزيزات
طبعا يطول ويكثر دائما الحديث عن الشعر والحوااااجب سواء قصات ا وصبغات او تسريحات او تشقير وغيره......الخ
سؤالي اليوم مختصر للغايه حابه اسال اولا بالنسبة للشعر
من الله خلقني وانا شعري مو اسود ماتصدقون اذا قلت لكم انه كان أصفر :smile: وعيوني عسلية وربي مثل البنوتات الاجنبيات خفيف وكيرلي وهالشي كان سر فيني وباخوي تحديدا
لاتقولوا يمكن اصولك اجنبيه ابدا العائلة كلها سعودية وقبيلية بعد لكن من تاريخ العائلة قرات انه نسب عائلتي من زمان اول كانت اصولهم من اليمن او الحجاز لان الروايات اختلفت منهم اللي هاجر للشام وتحديدا فلسطين والاردن ومنهم من استقر في نجد واحنا منهم
كبرت وتغير لون شعر مابين البني والاسود لكن ماله لون واضح وحلو جربت انواااع الحنا وخلطات كثيرة ماينفع واخيرا استسلمت للصبغات خاصة درجات البني الفاتح مع العنايه طبعا والحمد لله مااشتكي من اي مشاكل في شعري الحين
لكن مشكله ظهور الشعر الاسود والشعر مصبووغ حيل تنرفزني فابغى طريقة بدل ماكل فترة اصبغ الجذور خاصة من عند المشاغل كل شهر ابغى طريقة اخفيه لحين مااغير الصبغة مرة ثانية بعد فترة بدون ماتضر الشعر او استخدم صبغة طبيعية مايدخل بتكوينها اي بيروكسيد
سؤالي الثاني بخصوص لون الحواجب
زي ماانتم عارفين مثل ماللشعر صبغات للحواجب صبغات لكن للاسف كل صبغات الحواجب اللي اطيح فيها ماتعطيني لون البني فاتح او البني المتوسط الغالبيه يطلع معاي اسود او بني غامق مايل للاسود
لاتقولون لي صبغات الطاووس او بايجن :confused: لانها ماعطتني النتيجة المطلوبه خاصة مع لون شعري المصبوغ وانا حواجبي خلقه خفيفة وبسرعه تمسك اللون
اتذكر مرة صبغة حواجبي عند مشغل لي تعامل معاهم من سنين حلو عطاني لون بني ولما سالت الفلبينية
قالت اني استخدم لونين مع اوكسجين بدون مويه وتقول هالفكرة اخذتها من كوافيرة بتعرفها
طبعا مارضت بعدها تكمل لي ......
اسفه ع الاطاله ...... تقبلوا خالص تحياااتي ....
هدوء أميرة @hdoaa_amyr_1
عضوة جديدة
يلزم عليك تسجيل الدخول أولًا لكتابة تعليق.
هدوء أميرة
•
اااااااااااااااب
الصفحة الأخيرة