حور الجنان 1

حور الجنان 1 @hor_algnan_1_1

محررة برونزية

صبغة طبيعية جربتها مرة من 4 سنين ونتائجها في الداخل

العناية بالشعر

السلام عليكم ورحمة الله وبركاتة

اهلا ببنات حواء الحلوات اخواتي انا من تقريبا 4 سنين جربت صبغة طبيعية شفت نتائجها على زميلتي يعطي لون الشعر شوكولاتة على بني برونزي يعني هبال وشعرها ماشاء الله اللون علية خيال وهذا الي شجعني واستخدمتة فقط مرا لاني ماحب الصبغ بصراحة كثير وشفت النتائج عطاني نفس اللون بالضبط والله العظيم رائع على الشعر ولا يسبب اي اضرار من تجربتي

المكونات

4ملاعق اكل بن قهوة مطحونة ناعم
5 ملاعق اكل بودرة كاكاو
5 ملاعق اكل بودرة النسكافية
صفا ربيضة
فنجان زيت الخروع + فنجان زيت سمسم
1او 2علبة بوركسيد الاعشاب من ويلا الاخضر نسبة 6% على حسب طول الشعر المقادير

لان اذا زدتي علبة ثانية من الاوكسجين راح يفتح لك لون شعرك هذي تعطي لون شوكلاتة بني برونز هذي طريقة زميلتي بصراحة شعرها شوكلاتة بني برونزي جذاب خيال موت بصراحة


اخلطية مع بعض وضعي على شعرك لمدة 5 ساعات ولبسي علية نايلون بعدها تروشي بدون شامبو حتى لو كان دهني ياقلبي ثاني يوم اغسلية بالشامبو

هذي تجربتي موكلام بس يعني عن ثقة يابنات

وهذا تجربت احد العضوات للصبغة هاذي بكل صدق

كيفك يا حوووووووووووور ؟؟
عن جد لك وحشة !!!!!!!1
حبيت اطمنك يا الغلا اني ملكت وسويت شبكتي وصبغت 3 بواحد مرة وحدة وبجد لون الصبغة اللي خابرتها شي واااااااااااااااااو عن جد خيالي ما كنت متوقعة هالنتيجة ولو تتعمم على بنات المنتدى تكون فكرة حلوة
طلع لون شعري جنان بني على برونزي على خصل شقرا عشان الشيب على كاكاو لون حيران من جد متموج كأنه عند كوافير ما كن السالفة كاكاو ونسكافيه وبن خخخخخخخخخخخخخ
الله يعطيك العافية حبيت اطمنك بس على نتيجة الصبغة الطبيعية ولونها الخرافي !!!!!!!!
560
678K

يلزم عليك تسجيل الدخول أولًا لكتابة تعليق.

تسجيل دخول

صMت الحRوف
صMت الحRوف
وعليكم السلام ورحمة الله وبركاته


كيف حالك يا الغلا ؟

اشتقنا لك واشتقنا لطلتك علينا

الجميع هنا دائماً ندعي لك ربي يشفيك ويعافيك ويوفقك دنيا وآخرة


واسمحي لي بإضافة عن خلطتك يالغلا

الخلطة فيها بيروكسيد ومع الوقت يدمر الشعر بشكل ماتتصوريه

لكن لأنك مره وحده اللي استخدمتيها ماحسيتي بآثاره المدمره

معروف يالغلا أن البيروكسيد دماااااار للشعر وهو في الأساس أكسجين

وغير كدا المدة 5 ساعات مره كثيرة إذا الصبغة نصف ساعة ماتتحملها شعورنا

كيف لو كانت المدة 5 ساعات وفوقها نايلون يعني يكتمها و مع حرارة الرأس كيف يصير ؟؟

أنا حبيت أنبه لنقطه يمكن فاتت عليك

ويارب يسعدك و يوفقك ولا يحرمك أجر كل حرف كتبتيه لأخواتك

ويارب يكثر من أمثالك
قرنية في الشرقية
شكرا اعرف وحدة من زامان تستعملها وشعر هاحلو
&&ندوش&&
بس كيف البروكسيد ما يضر الشعر ...؟
حور الجنان 1
حور الجنان 1
هلا حبيبتي تسلمين ياقلبي والله انا جربتها مرا ومن زمان بس زميلتي كل شهرين تسويها وماشاء الله تعتني بشعرها يعني الي يصبغ يعتني علشان يحافظ على شعرة من التغير مهما كان البروكسيد خفيف جدا وقوة 6 % مو قوة 20 الى 30 الي تستعمل انتبهي للنقطة وانا عن دراسة ياقلبي كاتبتة يعني مستحيل اضر اي اخت مهما كان حتى لو على حسابي اهم شي صحتكم
Best Rose
Best Rose
يعطيك العافية حور

فعلا البيروكسيد يدمر الشعر على المدى البعيد,,,خصوصا للي حاطه قبل حنا