صبغة طبيعيه للشعر جنان.....

هلا خواتي ...كيفكم ***** الله بخير..
حبيباتي انا احب دائماً اني اغير لون شعري .. وتعبت من الصبغات ..ورجعت للحناء فتره وتعبت منه لانه مايعطي اللون الي ابيه فعدت للصبغات مجدداً وهكذا حالتي :hahaha: وفي يوم من الايام ذهبت ندب لاحدى المدارس وتعرفون الحريم اول ماتجي للمكان تبداء تكون علاقات وتعرفت على معلمة كل اسبوعين شعرها له لون ..وتعرفون اللقافه لازم اعرف نوع الصبغة سالتها قالت حناء وخلطات طبيعيه تفاجأت ..وقلت الله يعافيك جيبي لي من حناك يمكن اللي عندي ماهو زييين والله ماقصرت جابت لي وحطيته على شعري بس ماطلع زي شعرها :( رجعت وسالتها وقلت شوفي شعري ماطلع مثل شعرك اكيد فيه سر تسوينه والا وش السبب؟
قالت انا كنت زيك مايطلع اللون ونسيت اقولك......الان اليكن السر الخطير اللي يخليك تصبغين شعرك بالحناء باي لون...........
حبيباتي فبل ماتستخدمين الحناء للصبغه بشهر تقريباً اغلي ببابونج وحطيه في علب في الثلاجه وكل ماستحميتي فبل ماتطلعين من الحمام خذي علبه وفركي بها شعرك واتركيه لمدة 20 دقيقه ثم اشطفيه بالماء وهكذا يبدا لون الشعر يتفتح تدريجياً ويقبل اللون الي تحطيه............

الان مع الوان الصبغات:26:
اللون الككاوي يخلط حناء مع نسكافية وملعقة زبادي ويترك يخمر لمدة ساعه ثم نضع عليه قليل من الليمون ويوضع على الشعر لمدة 3 ساعات.
اللون البني المحمر نفس الطريقه السابقة بس بدل النسكافية مغلي غجر.
اللون الاشقر يخلط مع الحناء مغلي بابونج.
اللون الاحمر يخلط مع الحناء قرمز احمر.
وهكذا خواتي ارتحت من الصبغات وعلى فكره اللي فيها شيب ومزعجها تستخدم مغلي المراميه كل يوم على الشعر الابيض يختفي .
ارجو اني قد افدتكن لا تنسني من الدعاء.