ماشاء الله عليك انا مثلك ابجدد في مطبخي موب شرط تغيرين البويه:) \1\ اهم شي النظافه على قولتك دايم تلق اللمبه في الجداروتكون الاناره قويه:3_2_8v: \2\ غيرت مكان المكرويف \3\ رحت لمحل ابو ريالين وشريت تحف تناسب مطبخي واخذت جوز الهند الي يتعلق ثنتين وحطيت في وحده عنب والثانيه فاكهه خضراء وعلقتهم في اسلاك طالعه من السقف طلع شكلهم رووووعه و كل من شافه اعجبته :42: \4\جددت علب السكر والبهارات\5\شريت طاوله اكل وحطيت عليها مفرش مربع بشكل مايل بحيث ماتتغطى كلها ومن نفس قماش المفرش ركبت ستاره وانتبهي لا تكون كامله انما شكل ولا تمنع النورونفس القماش سوي فوطه وعلقيها على الفرن وبيوز عند جدار الفرن وما فكرت اغطي علب السكر والبهارات لان شكلها كذا اجمل:\6\ ولا عليك امر ادعيلي ان الله يحققلي الي في باليييييييييييييييييييييييييييييييييييييييييييي:(

الله يحقق لك ياللي في بالك اختى الصادقةفي اسرع اليالي والايام بالنسبة لستارة انا حاطة الستارة اللي عند ايكيا تكون خشب وترتفع على فوق وعليها حاطة شيفون ومركبة علية الطوابع المطرزة اللي تكوينها بس وهي تلصق على طول وهي على شكل ورود

معليش تأخرت عليتس بالرد بس تعرفين الدنيا مشاغل ننسى أنفسنا

اما عن الخط تقدرين تتفنين مثلاً أكتبي كلمه تحبين انها تكون الحاله وهمن ارعصي على كلمه إنتر عشان يطلع المؤشر تحت وهمن كملي وسووي إنتر

اما علي شرح بعد وبعدين شكلي مافهمت انتي تقصدين كذا ولا تقصدين طريقه ثانيه

نرجع لحديثنا ماشاءالله حركاتس حلوه وتغيرات ررروعه
وان راح اسوي مثلتس بجيب فوانيس بس بلشه وشلون احطهن اعلقهن ولا اخليها

وبسوي كلمة حلوه وبحدد وقت قبل الفطور نقراء فيه قران لو خمس دقايق
وش بعد وش بعد
<<< متحمسه لرمضان مره

شكلي قعدت اقول قصه حياتي

هلا فيك اختي وجدان
ابشرك عرفت اكتب السطور زين الله يجزاك الجنة
اختي الفوانيس حطيهم على طاولة عندك وانثري على الطاولة الاكسسوارات الزجاجية اللي كانها مصاقيل
شوفي وشلون الوصف
يالله اذا سويتي شي جديد قوليلي وانا راح اقولك وش سويت
جلدت ثلاجتي وطلعت ررررررروعة بس المشكلة في الديكور يوم جيت اجلدة عرقلتني المساكات جيت ابفكهم بسكروب لقيتهم ما ينفكون بسكروب حاولت اسحبهم على الخفيف بس ما رضوا يطلعون وانا محتارة لازم اجلدة بعد ما شفت النتيجة على الثلاجة
مستانسة كاني شارية ثلاجة واعيالي يقولي والله يا ماما انك فنانة قلت الله يسلم اللي ساعدوني طبعا بيني وبين نفسي بنات حواء

ماشاءالله عليتس والله حركه التجليد حركه جديده وبدون مانغير
ونصرف على الفاضي

انا ماسويت شي جديد جاني احباط والله