صبغتي شعرك ؟ تعالي فيديني الله يخليك =(

السلام عليكم ورحمة الله وبركاتة

أخباركم ياجماعة الخير ؟

تحملوني شوي بقولكم قصة شعري مع الصبغه يمكن أفيد واستفيد

أولاً قررت اصبغ شعري وهذي أول مره اصبغ وكنت تاركه الحناء لمده سنة وشعري طويل يعني اكثر من نص ظهري بشوي
قررت اصبغ قبل العيد بأسبوع وصبغته كوافيره بالبيت وصار اللي فوق مصبوغ واللي تحت كأنة شعري الطبيعي طبعاً كنت مختاره لون بين البني الغامق والفاتح
والنتيجة من فوق يجنننننن واللي تحت ماسويت شي
ورجعت صبغت عنده مره ثانية بعد 3 ايام من صبغته الاولى وحطت صبغة بس من تحت يوم غسلته تغير اللون صح لكن ماكان زي اللي فوق :(
المهم رجعت وحطت عليه والمفاجأة صار اللي ورا برتقااااااااااااااااااااااااااااااااااااااالي
قسم بالله يابنات صرت ارفع بشباصه واحاول ماأمر عند المرايه عشان مايضيق صدري
طبعاً جت ليلة العيد ورحت لمشغل يوم شافته قالت لازم سحب وصبغه من الدباشة قلت يله ميخالف اهم شي يتعدل
سوت سحب من تحت والصبغه قلت له اصبغي لي زي اللي فوق لانه مره حلو قالت اوكي
وخلصنا وشفته بالمراية وكان مقبول نوعاً ما
وراح يوم العيد وعدى على خير لاني سويته كيرلي عشان مايبين تدرج الالوان اللي بشعري
بس تخيلو الصبغه تغير لونة
يعني اللي ورا صار فيه شي اشقر وشي برتقالي وصار يوضح مررررره
واللي فوق لا حلو ماتغير

يابنات تكفون عطوني حل وش اسوي ؟ وخصوصاً الجامعة على الابواب
وفشيله اروح شعري من ورا تقل كتله نارية =(

فيه ناس قالو حطي كتم > بس ماابي شعري يصير اسوووود لانه بالطبيعه اصلا بني غامق مو اسود ومااتوقع شكلي حلو بالاسود
وفيه ناس قالو اصبغي بني غامق ؟
وش رايكم وش اسوي ؟
وبعد كل اللي صار لشعري ياليت تدلوني على شي اقدره اعالجه فيه من زيوت او كريمات
وهل استخدام الزيوت تغير اللون ؟ وسمعت انه زيت اللوز الحلو مايغير اللون صدق ولالا ؟
سويت منقوع زيت النارجيل مع ثوم بس هل يأثر على الشعر؟
ولو افرك الثوم بشعري بدون زيت هل يضر ؟
لان شعري شووووي واخاف يتساقط زيادة بعد هالعذاب

ادري طولت عليكم بس ياليت القى جواب منكم لانه مافيه الا الله ثم انتم يقدر يفيدني
ونصيحه يابنات لاااااااا تصبغين قبل تتأكدين انه شعرك طالع منه الحناء حتى لو جلستي سنة او سنتين واللي كانت محنية وتبي تصبغ تحاول كل شهر تقص من شعره شوي عشان الحناء ينزل بسهوله

اتمنى تفيدوني والله يجزاكم خير :icon33: