انا صبغت شعري اليوم في دار ليندا بالجبيل الصناعيه محلهم الي بالاندلس و طلبت لون بني بس ساده و انا اول مره اصبغ
لكن شعري ما طلع لون واحد من عند القذله طالع فاتح و بعض الاطراف صاير يميل برتقالي شوي شو الحل و زوجي بيرجع من السفر الخميس يعني باقي يومين
تندمت مره و الحين شفت صورة صبغه عجبتني بس هي لونين هل اقدر اصبغ بكره و اغير صبغتي الحاليهو الشي الثاني مين تعرف الالوان الي بالصوره و شلون تصبغ لونين يعني تستخدم طاقيه و لا بالقصدير
بصراحه انا مو متذكره من بعد الولاده و انا صار عندي فقدان ذاكره مادري اذا انا متحنيه قريب او لا
و لكن لو انا متحنيه شالحل خلاص اقعد كذا
و بعدين لو ابي اغير اقدر اغير بكره
و ايش رايكم بالصوره المرفقه ماخذتها من موقع لوريال الفرنسي حاطينها دعايه اول ما تدخلين موقعهم اشقر مع نبيذي شكله حلو وانا بيضا بيناسبني و فيه احد يضبطه