صبغه الشعر لتنزيل الوزن...مو مصدقه...تفضلي

السلام عليكم اخواتي الحبيبات...


مستغربين من الموضوع......بصراحه انا وحده مااعرف الف وادور واحط مقدمات وما اعرف ايش..يا دوب فكرت بهذا العنوان

:02:

واللي تقرا الموضوع عدل راح تعرف ان العنوان(له داعي ونص)..

خواتي الحبيبات...

احنا ولله الحمد عندنا عقول تفكر....لكن للاسف ما نستخدمها...

نستخدم عواطفنا وبس...

يعني بالنسبه للسمنه....انا اعترف اني وحده سمينه...وماكان عندي اراده...

لكن ليما صحيت وشفت اللي حوالي وشفت ايضا بنات في عالم حواء....فكرت الف مره ومره


يعني الله يهداهم خواتنا في هذا القسم(البـــــــعـــــــض)....الوحده فينا صك وزنها العداد ....وما سوت شي ...مجرد انها تدخل قسم التغذيه وتشوف شنو آخر الرجيمات.,وياريت تطبقها...لأ...
تقعد تحقق مع صاحبه الموضوع لين ينشف ريقها...

او انها تطلب من غيرها انه يطبق الرجيم وبعد ماتشوف النتايج (تفكر) انها تطبقه

طيب ليش انا ما يكون عندي اراده وتصميم اني اطبق الرجيم بنفسي؟؟
ليش استنا غيري يطبقه وانا الايام تطير مني؟؟؟

ثقي تماما اختي الحبيبه....اذا انتي ما بادرتي واتخذتي القرار بالتغيير
صدقيني ما راح تتغيرين من(التجارب الناجحه) للبنات...لان البنات قدروا ينجحون بسبب الاراده
المفقوده لديك

نرجع لصبغه الشعر...عشان نفهم الموضوع عدل

خواتي....اذا وحده زهقانه وودها تغير من حياتها قلنا لها: غيري صبغه شعرج
اذا وحده طالعه من النفاس قلنا لها: غيري لو ن شعرج..


لو تلاحظون الكلمه السريه هي(التــــــــغــــــيـــــــــــــر)


يعني نعتبر الرجيم مثل صبغه الشعر...نوع من كسر الروتين والتغيير

ونطبقه اذا كان صحي ومناسب وحنا راضين مش مغصوبين وحاطين في بالنا من قبل انه صعب وانه يجوع وانه وانه وانه.....


يعني مثلا انا صار لي كم يوم اقرا المواضيع اللي تتكلم عن رجيم الاتكينز(على سبيل المثال)..

وشفت للاسف كيف ان البعض يباااااااالغ بصوره رهيبه من مضاره واخطاره...
بس لو توعينا شوي...راح نلاحظ انه عباره عن (الامتناع عن السكريات والكاربوهيدرات)..

يعني لو انا حطيت رجيم عادي مافيه سكر ولا كاربوهيدرات...ماكان قلتوا شي


اساسا اكثر من دكتور او اخصائي تغذيه ينصع عند تطبيق الرجيمات بالامتناع عن السكريات والكاربوهيدرات بقدر المستطاع......:34:

وما قلنا لهم شي.....وماقلنا هذا يضر الكبد والا يؤذي الكلى


القاعده الي كلنا حفظنااااااااها: الشي اذا زاد عن حده ينقلب ضده...

يعني مثلا بالرجيم مسموح باكل اللحوم حسب الرغبه...
بالله عليكم يا خواتي...لو انا انسانه ابي انحف وشف هالرجيم....هل من المعقول اني آآآآكل ذبيحه كامله واقول والله الرجيم يقول كذا؟؟؟

طبعا لأ....


بصراحه الدكاتره احتاروا معانا......اذا حطوا رجيم مافيه لحم قلنا هذا متعب
واذا سمحوا باكل اللحم قلنا فيها وما فيها....


والسبب ان (البعض) منا عاجز وضعيف الاراده.....يفشل مره ولا يحاول مره ثانيه...
فتكون النتيجه:


كل رجيم ينزل...لازم اطلع فيه العيب الفلاني والعيب العلاني...وبالاساس العيب فيني لاني ما املك الاراده


طبعا هذا ما يعني ان هناك رجيمات غير صحيه ف نسكت عنها....لأ بالعكس

لكن اقصده عن بعض الوصفات المعتمده طبيا وعالميا....للاسف نقعد نطلع عيوب ومخاطر واهيه ومضحكه بالوقت نفسه

خواتي الزبده(لاني اسمع البعض يقولها):23::time:


انتي مو ناقصه عن غيرج اللي قدروا انه (يغيرون) من شكلهم ووزنهم...
بس العيب فقدان الثقه بالنفس....

اذا كنتي واثقه من قدرتج على التغيير....ف صدقيني راح ينزل الوزن باي شكل من الاشكال

اما اذا كنت انسانه(كسوله) ف مستحييييييييل اكبر دكتور يقدر ينزل من وزني...



ادري طولت عليكم,,,,لكن اعذروني...من زود حبي لكم حبيت اني اوجه لكم هذي الكلمه (ولنفسي قبل كل شي)


وبالاخير اتمنى للجميع تمام الصحه وموفور العافيه