ياعمري والله دشيتي قلبي تدرين ليش

لانج مثل حالتى والله
انا انخطبت من المتوسط والله شكثر قرايبي الي حيييل يقربون
ولما كبرت جاراتنا و قريباتنا البعاد
والحين انا بعد كم يوم ادش 24

والله انى واثقه من الله بيعوضنى خير
انا الى خايفته الحين يجيني احد مو كفو واهلى يقطونى عليه فاهمتني لانه الحين الحمدلله
محد يجيني وكل الى جو والله مو زيينيين لي
انا ودى بجامعي مثلي
وودى اكمل جامعتي وادعو لنا بنات

اخاف حيييل ينقطع حلمي والله
اخاف امى الى مستعجله ترضى باي احد بس تحقق انه بنتها تتزوج
انا خالتى وصلت 30 وقطت عمرها على اى واحد وتزوجته واحد اى كلام
وراها المر والله
فاقول على قولهاخوانا السوريين
الى بيت اهلو على مهلو

والحمدلله

شوفي
لك و لجميع البنات
نصيحه...لا تقولي لاحد ما أبي او تقولي انا توني صغيره
مثلا لو واحده عمرها 17 سنه18 سنه تقدم لها شاب و امها قالت البنت صغيره
و تقدم شاب ثاني و ثالث و الام تقول البنت صغيره
الحين الناس علق ببالهم ان فلانه صغيره
رغم ان عمرها صار مثلا 27 و 28 سنه (يعني عمر زواج)
بس خلاص الناس تنساها
و لهذا انا اشوف ان البنت لا ترفض ان تتعرف او تقابل احد حتى لو ناويه انها ترفض

ما ادري بس انا هذا الي اشوفه :)

بسم الله الرحمن الرحيم

والله يا اختي نفس الحاله اللي مرت فيها لما كنت بالثانويه وبداية الجامعه تقدمولي كثييير وبعدها توقفوا الخطاب ليما وصل عمري 24 كنت يائسه بالمره مع اني ما كنت ادعي ولا اقوم الليل بس قلبي طيب ونيتي صافيه على نياتي وفجأه تقدمولي 3 مع بعض قسم بالله من أحسن الشباب وتمناهم كل بنت بس ماصار نصيب لان سبحان الله صالي شي بوقت الخطبه الله يعلمه
وانا الحين عمري بيوصل 28 سنة والفتره هذي كلها يجوني خواطيب بس مايصير نصيب وانا الحمدلله مستمره بالدعاء وقيام الليل ومايأست اتصدقين قبل اسبوعين رحت عرس وتقدمولي اربعه قسم بالله من احسن الشباب بس كل ما يعرفون عمري ينصدمون لان شكلي اصغر من عمري وطبعا يتراجعون وليما الحين الحمدلله مايأست لان الله كاتبلي قسمتي ونصيب ومتى ما جا انا الحمدلله راضيه فيه وظني بالله كبير ادري طولت عليج بس اختى لا تيأسين من رحمت الله .............قسم بالله الحين ما همني الزواج همي ان الله يرضى علي ويشفيني :)

شفتي كيف ياختي البنات قالو كثير من القصص اللي تزوجت بعد 25 27 30
وبعدين كثير بنات تزوجو وكانت حياتهم عسيره وذاقو المر فليش كل هالليأس
حبيبتي احمدي الله على كل شي وتوكلي عليه واكثري من الدعاء فان القدر ماراح يتغير الا بالدعاء
اكثري من الدعاء وقيام الليل وحاولي تقرين سوره البقره يوميا حاولي قد ماتقدرين حتى لو تمت الخطوبه وانا متفائله بهذا الشي استمري قرائه البقره والقران
اكثري من الاستغفااااااار واحسن وقت تقومين قبل صلاه الفجر بنص ساعه واقعدي استغفري ربك وادعيه وادعيلنا : )
اللهم ياااارب ياحي ياقيوم ياذا الجلال والاكرام اسألك بكل اسم هو لك سميت به نفسك او سماه به رسولك او اصطفيت به في علم الغيب عندك ان تزوج اختي رثعه زوجا صالحا يحبها كما يحب محمد لخديجه ويكون بجمال يوسف وقوه عمر ورقه ابي بكر ياذا الجلال والاكرام والصلاه والسلام على نبينا محمد وعلى اله وصحبه وسلم..

خواتي الحبيبات:
* بنت أدم *
الله يوفقج ويرزق بالرجل الصالح انشالله ومشكورة عالمشاركة الغالية حبيبتي
رهينة افكاري
سبحان الله نفس حالتي الكل يسالني ليش قاعده للحين حتى صديقات خواتي يسالونهم ليش اختكم للحين قاعدة والله كبرت هذا غير صديقاتي على طول يسالوني
بس مالنا شغل باحد ومتوكلين على ربنا والله لايخيب ظنا انشالله وانا ساعات نفس حالتج تجيني حالة الياس واقعد ابكي واستغفر ربي توكلي علا الله وانشالله نسمع الاخبار الطيبة :icon28:
ياسمينة
يا احلا وردة مشكورة ياعمري عالمشاركة بس كلام الناس شلون نوقفه :D
عاشقة العيون
نفسي يالغالية انا جامعية وابي جامعي نفسي وهذا اقل شي نطلبه لان التكافؤ مطلوب بس انتي حبيبتي لاترضين باي واحد خليج متمسكة بشروطج وادعي ربج وانا وياج نطبق نصايح خواتي الغاليات(اللي ردوا علا موضوعي مشكورين) والله يوفقنا ..امانة اذا صار نصيب فرحينا يالغالية انشالله احلامنا تحقق :39:
دموع الندم
بس اختي فعلا اللي عمرها17او18حيل صغيرة عالزواج...ومشكورة عالمشاركة يالغالية
رنين التوبة
الله يرزقج ويعوضج خير يالغالية على صبرج ويرفع حظج وانشالله تلقين اللي يسعدج ويهنيج وتشوفين عيالج انشالله..ويعطيج الصحة والعافية :27:
GalaXy Dior
كلامج عطاني دافع كبير يالغالية وريحني ما قصرتي وانشالله بطبق نصايحج على قدر المستطاع لان عندي دوام الصبح وصعبة شوي اقوم الليل بس الله يسهلها علينا
وهذي مني لج :26:

خواتي انا حيل فرحانة بمشاركتكم وفعلا الدنيا بخير ولقيت من يريحني والله يالغاليات كلامكم بلسم عالجرح واتمنى من خواتي اللي نفس حالتي يطبقون نصايح خواتنا والله يوفقنا انشالله وبعد هالموضوع الكل يتزوج ونفرح فيه :icon28: بس عاد لاتنسون تبلغونا عشان نفرح لكم :42: