صحباتي وتطنيشهم لي

السلام عليكم

انا صحباتي كلهم سحبو عليه وبقيت وحدي بدون اي صديقه يعني عندي صديقات من برا بس صديقة دراسه مافيه هم معاي بس انا معاد ابيهم
بقولكم المواقف الي صارت معي

المواقف :

كانت وحده من صحباتي تعرف صحباتي ع خواتها وأخذتهم كلهم يسلمون ع خواتها الا انا بقيت واقفه وهي تقصد هالحركه متأكده انا

الموقف الثاني كنا طالعين من اختبار واسأل صاحبتي عن الأسئلة قالت تعالي معي نطلع نشوف الكتاب ولما جينا نشوف الكتاب سفهتني وانا كنت متحمسه بمسك الكتاب بشوف الاجوبه أخذت الكتاب ومشت بسرعه لصاحبتنا الثانيه وعطتها الكتاب تشوفه وانا مزهرية عندهم مايكلموني الا وقت حاجتهم يعني هي بس أخذتني اطلع معه وبس

الموقف الثالث انا أخذت منازل لسبب ظروف وكنت أتواصل مع صحباتي ع واتس ومره تغيرو عليه بعد مأخذت منازل واهملوني ولا كأني صاحبتهم ولا يقولون اخبار المدرسه لي ولا شي ومسوين قروب ثاني ماني معهم فيه انا كنت متواصله معهم واقطعوني هم

الموقف الرابع لما أخذت منازل وحده من البنات علاقتها زينه معي بس لأقربت الاختبارات ماتكلمني ولا ترد على اتصالاتي لانها عارفه بسالها عن الاختبارات وأبيها تشرح لي وجدا قهررررتني
بس الحمدلله ربي معي وفقني الحمدلله الله اغناني عنها

الموقف الخامس انهم يقهرون صحباتي مايكلموني الا وقت حاجتهم ودائما ينتقدوني وسافهيني مو مهتمين فيني ولا يكلموني كثير
حتى لدرجه الناس كل ما إقبالهم يقولون صحباتك يقهرون لأنهم ملاحظين حركاتهم

انا اشوف بنات ما شاء الله تبارك الرحمن قلوبهم ع بعض ويقفون مع بعض ع الحلوه والمره ووقت الشدائد مع بعض ماهمهم مظهر ولا شكل اهم ماعندهم الأخلاق

مشكلتي اني الحين برجع انتظام بعد سنه انقطاع عن المدرسه وملاحظه ان صاحبتي الي وقت الاختبارات تطنش صايره تزبط العلاقة لانها عارفه هناك البنات يجون معي وكذا تقولون خلني ازبط علاقتي معها

وانا مابيها خلاص عفتها ماتوقعتها منها كانت قريبه مني مجرد ما أخذت منازل نستني ووقت ما احتجتها نستني خلاص اقتنعت ما ابيها

انا الحين ابي ارجع لهم بشخصيه غير ابي ابين لهم بالمدرسه اني ماني مهتمه فيهم ابي أكون معهم جداً رسميه مابيننا الا السلام كيف أوضح لهم اني جدا عارفه حركاتهم ع بالهم ماني منتبه لاتقولون كلميهم لآني كلمتهم ردو عليه يا ناكرة العشره وانتي مره حساسه ومدري ايش

ابي اطنشهم كيف ؟؟ وكيف ابدا بصحبات جدد لان هذا الشي الي معقدني

ربي يسعدكم ويفرجها عليكم ويوفقكم تردون عليه
انا حاسه اني بينهم مالي اي احترام ماعندي شخصيه قويه أرد عليهم انا جدا ضعيفه شخصيتي وهم بس وقت الحاجه يكلموني