صحبتي تقول لي أختي تفهم اكثر منك

صحبتي تحرجني ب قروب الواتس اب 




السلام عليكم ورحمة الله وبركاته
صاحبة المعرف drsoso أختي انا حبيت المنتدى ورح اسوي لي حساب فيه ان شاءلله




انا طبيبة اسنان تخرجت ولله الحمد الي حاصل انه احيانا يكون معلومات او رسايل متداولة بالواتس اب عن أمراض او عن اضرار ل بعض المنتجات ف لما تجي رسايل زي كذا احب أفيد واستفيد 
الي صائر انه في وحدة بالقروب من صديقاتي المتوسط وهي مادرست جامعة وعندها اخت طب بشري مجرد ما احط معلومه تفشلني وتقول هذه معلومة غلط وتقول لي سالت أختي او ارجعي أقراي او أختي بشري وتفهم احسن منك هذه الكلمات كلها قد قالتها لي وبصراحة تاذيت من كلامها
مع اني عمري ما شكتت بكلامها او كلام اختها او خطات معلوماتهم بس أسلوبها بالرد جداً سيء 
عليا
في مرة قبل شهور زعلت مني لاني ما احكي لها على حياتي وخصوصياتي زيما هي تحكي لي
هي فيها ثرثرة وانا ماحب حياتي تكون على الملأ ف قلتلها معليش لاتزعلي بس انا ماجبرتك تحكي لي حياتك 
أمانه عليكم لو في وحدة مكاني اش حتسوي انا سكتت وقلت ما حنخلص لو جادلتها  ماعاد حتسكت أنهيت الموضوع وقلتلها خلاص أختك افهم وأحسن ارتاحي وقلتلها ذه شيء درسته مايحتاج ابحث واقرأ مع العلم انه عندي ادلة على صحة معلومتي بس طنشت الموضوع وهي طبعا ماسكتت الا لما انا سكتت
 هل اطلع من القروب او اقطع علاقتي فيها خصوصا انه فيها غرور وتكبر وامي الله يحفظها تعرفها وقد قالتلي هي متكبرة بس ماكنت حاسة 
كنت اتوقع غرورها ما رح ياذيني بس للاسف تمدح نفسها وأهلها ومشترياتها وأنها تشتري من الغالي بس وتستهين ب اماكن دليتها عليه تشتري منه وتقول يووو ماهو حلو هالمكان مع العلم انه مكان حلو وراقي وأهلي وامي وابوي وأختي ماعندها غير انها تنفخ أهلها ورمت على صحبتي كلمه يوم تقابلو عندي في بيتي قالت احنا مانزوج اي احد ف كلامها كنه صحبتي الثانية خطبتها وهذا الشيء ماصار هل قصدها انه انا تزوجت اي زواج! خصوصا اني تزوجت رجل من جنسيتها مو من جنسيتي!واخفيت خطبتي وماعلمتهم الا وقت الملكة!وماقلت اني انخطبت وقت طويل عشان مايصير زعل ترى ماحد حيرمي بنته ل اول رجال يجئ 
انا اخذت الموضوع بحسن نية وما دققت فيه بس الحين قاعدة استرجع مواقفها وفي كثير مواقف نسيتها وتناسيتها وما كتبتها لكم
اعرف انه ممكن موضوع بسيط حابه تقولو اش حتسو
هل تقاطعوها ويصير بينكم سلام
هل تخرجو من هذا القروب خصوصا انه مافيه نشاط
هل كانت تقصدني بكلامها لما قالت مانزوج اي احد او ممكن تقصد نفسها وما قصدها عليا
اي معلومة او رد يبرد قلبي قولوه لي فديتكم عالم حواء 
أحبكم ودائما اتابعكم