بسم الله الرحمن رحيم
هادخل في الموضوع على طول صحبتي صديقه عمري او بالاصح اختي التي لم تلدها امي قبل 6 سنوات
البنت كانت مخطوبه لاخو زوج مرت ابوها لانو ابوها مطلق امها وامها متزوجه واحد تاني المهم ابوها
بخيل لابعد الحدود ما ساعدها بريال واحد في ايام الخطوبه طلبت مني سلف لخطيبها 6 الاف ريال قلت اوكي
ماشي وبعدها بيومين كانت شبكه اختها استلفت مني 1500 ريال .....واعطيتها بعدها طلبت 30 الف عشان
فرحها وبرضو اعطيتها قالت صديقني لو ابويا اعطاني شي للفرح على طول اعطيكي فلوسك قلت طيب
واعطيتها هديه فرح 10 الاف ريال وبعدها يمكن بسنه او اكتر نقلت بيت لحالها عشان كانت ساكنه مع ام
زوجها فاستلفت من وحده 8 الاف عشان تسوي المطبخ وما قدرت ترد واتصلت تترجاني اسلفها المبلغ
وسددت عنها ومره مرت ابوها استلفت مني 2الفين ريال وطلبتها منها قامت اخدتها منها لنفسها !!!!!وبعدها
طلبت مني 4 الاف سداد جمعيه و3 الاف باقي ايجار شقه انا عارفه ممكن الي تقراء كلامي تحس اني غبيه او فين
عقلي لما سلفتها انا عن نفسي ندمت ودرس اتعلمتو بس احنا اكتر من اخوات واعتبرتها زي اختي بالزبط
واتعاملت معها على دا الاساس
عن أبي هريرة رضي الله عنه ، عن رسول الله صلى الله عليه وسلم ، قال : من نفس عن مؤمن كربة من كرب الدنيا ، نفس الله عنه كربة من كرب يوم القيامة ، ومن يسر على معسر ، يسر الله عليه في الدنيا والآخرة ، ومن ستر مسلما ، ستره الله في الدنيا والآخرة ، والله في عون العبد ، ما كان العبد في عون أخيه ، ومن سلك طريقا يلتمس فيه علما ، سهل الله له به طريقا إلى الجنة .....الي اخر الحديث
انا الي قاهرني في الموضوع طول ال5 سنين عايشه حياتها سافرت مصر كم مره وسوريا والاردن
وتركيا مرتين ما خلت على قلبها صحيح بفلوس اخوتها عشان زوجها ما يشتغل هما يساعدوها في كل شي
معتمده هى وزجها عليهم
وحتى لما ابوها يعطيها فلوس في رمضان او اخواتها يعطوها تصلح بيتها وتدلع نفسها ماكانو عندها دين
وانا المح ولا حياة لمن تنادي الصراحه انا سكت عشان
1-خفت افقد صداقتها
2-استحي او ما عندي الجرئه اطلب
3-قلت ظروفها صعبه وزوجها ما يشتغل
والمشكله هذه قهرتني منها مره وطول الوقت افكر فيها واخويا يبغى يخطب دحين وتعرفو مصاريف الزواج
وكده وفي الاخير هذا حقي
اتصلت عليها قلتها سامحيني انا محتاجه فلوسي عشان اخويا وقولتها وانتي اختي بس محتاجها ضروري
جدا قالت طيب حقك ولازم تاخديه وانا اكلم زوجي المهم قولتها انتي عارفه المبلغ قالت لا ارسليه واتس
!!!!!قلت لها لا جيبي ورقه واكتبي وصرت اذكرها بكل شي وهى تقولي صح صادقه اقتكرت قالت خلاص
انا اشتغل واجبلك فلوسك قولتها تشتغلي ايش كلمي زوجك على الفلوس وهو يدبر نفسو قالت طيب وفصل
الخط بعدا ارسلتي رساله
معليش تصبري علينا شويه عبال ما ندبر الي نقدر عليه ؟
قولتها طيب مافي مشكله
ردت الله كريم
قولتها امين يارب
رجعت اليوم رسلتلي
انت عارفه الظروف ما يحتاج طبعا لكن باذن الله حقك يوصلك ما اتوقعت في دا الوقت تطلبي حقك مني ترا ورب الكعبه الرجال محد راضي يسلفو وهيدور شغل من بكره وربك الرزاق بس لا تغطو علينا الله العالم بحالنا حتى لو نبغى نبيع شي في البيت مافي حاجه تسوى وادا منتي مصدقه تعالي وشوفي وخدي وبيعي المطبخ وغرفه الضيوف والنوم التلفزبون اي شي خديه !!!!!!!
بالله العظيم ايش ارد عليها دي ولا كيف اتصرف معها ابغى حل منطقي لو سمحتو ومن غير تجريح وكلام
مالو داعي الي عندها كلمه حلوه ونصيحه تقول والي عندها كلمه وحشه تخليها لنفسها انا ما اتخيلت يصير
فيا كده فممكن يصير لاي وحده وعارفه اني غلطت
happytune @happytune
عضوة نشيطة
يلزم عليك تسجيل الدخول أولًا لكتابة تعليق.
أداعب اطياف الخيال
•
والله ما ادري ما اقول غير الله يفرج عليها وترد لك مالك
خلاص الحمد لله عرفتي غلطتك الله يهديك المفروض بعد اول مبلغ اعطيتيها وشفتيها مهي ناويه تسدد وماخذه راحتها ماشاء الله طلبتيها
لكن الحمدلله اسال الله ان يفرج عنك كرب الدنيا والاخره ويعينك زي مااعنتيها يارب ...طيب ماعرفتي ليش زوجها مايشتغل يمكن مريض؟ طيب يوم كنتي تعطينها خاصه ايام الزواج كنتم تتفقون على انها دين؟ او تعطي وانتي ساكته ؟
في جميع الاحوال اذا انتي متاكده ان اهلها مايقصرون عليها ارسلي لها قلي انا في حاجتها اذا ممكن اطلبيها من اهلك وباذن الله ماراح يقصرو ...واذا قالت ماعطوني قلي خلاص الله يعين انتظر
الله يهديها يارب
لكن الحمدلله اسال الله ان يفرج عنك كرب الدنيا والاخره ويعينك زي مااعنتيها يارب ...طيب ماعرفتي ليش زوجها مايشتغل يمكن مريض؟ طيب يوم كنتي تعطينها خاصه ايام الزواج كنتم تتفقون على انها دين؟ او تعطي وانتي ساكته ؟
في جميع الاحوال اذا انتي متاكده ان اهلها مايقصرون عليها ارسلي لها قلي انا في حاجتها اذا ممكن اطلبيها من اهلك وباذن الله ماراح يقصرو ...واذا قالت ماعطوني قلي خلاص الله يعين انتظر
الله يهديها يارب
الله يعينك
انا مجربه رغم اني لا موضفه ولاشي
لي اكثر من خمس سنوات والله يعوضني
بس تعلمت اني ما اسلف الأشكال الي زي كذا
انا مجربه رغم اني لا موضفه ولاشي
لي اكثر من خمس سنوات والله يعوضني
بس تعلمت اني ما اسلف الأشكال الي زي كذا
طبعا فهمتها انها دين وهى كل ما تستلف مني تقعد تحلف وتقسم انو اول ما تجيها فلوس ترجعلي هى وطبعا
اتفاجاء انها سافرت او صلحت بيتها واشياء كتيره مستفزه وارجع واقول يالله مو مشكله لكن انا الان محتاجه فلوسي وطلبتها
مو معقول اجري ورا حقي !!!!!وبعدين هى كاتبه اتفاجات في دا الوقت !!!!متى متوقعه كمان 5 سنين
اتفاجاء انها سافرت او صلحت بيتها واشياء كتيره مستفزه وارجع واقول يالله مو مشكله لكن انا الان محتاجه فلوسي وطلبتها
مو معقول اجري ورا حقي !!!!!وبعدين هى كاتبه اتفاجات في دا الوقت !!!!متى متوقعه كمان 5 سنين
الصفحة الأخيرة