صااادقه من الشتاء للحين والحين اعتقد بسبب تقلب الجو وعلشان دخولنا من الشتاءءء للصيف
وامنعي عنهم الايس كريم وكل شي بااارد حتى الماء لا يكون بثلاجه خليه ببرودة الجو العادي

ومو لازم يتحممون يوميا ً خليه يوم ورا يوم او كل يومين مره ولا تخلينه يختلط باطفال معهم فلو
ومو لازم يطلعون برا سوبر ماركت او غيره هالفتره بيتهم احسن لهم :D

ومثل ماقالوا الاخوات إذ تبخرين بيتك او تعطرينه خففي هالموضوع شوي

والله يشفيهم ويطمن قلوبنا عليهم آمين :26:



..

.

صدقيني انا اهتم فيهم واحيانا اقول هذا من الاهتمام الزائد لا طلعات في الهواء ولا تكيف في البيت
ولا شئ بارد وما احممهم كثير واهتمام بالاكل المفيد ولابخور ولا عطور لكن الحذر لايمنع القدر

مالي الا الدعاء لهم بالشفاء ةالحمدلله انها امراض عادية سخونة كحة زكام

وانا سمعت من دكتوران كثرة المرض في الصغر تعطي لهم مناعة لما يكبروا ماادري عن صحة هذه المعلومة

طيب اختي ماتخافي عليهم من كثرة الادوية والمضادات اخاف تأثر على مناعتهم بالمستقبل اتمنى الدكتورة تفيدنا

انا طفلي كل شوي يجيه زكام وفي البدايه اعطوني مضاد حيوي مرتين كان فيها عنده انسداد في الانف وقالولي لازم تعطينه المضاد لان فيه فيروس في الجو ممكن ينزل على صدره المهم خوفوني وقالي دكتور ثاني ان المفروض ماعطيه لان انسداد الانف له قطره فقط وغلط اني اعطيته مضاد وبعدها تعب جاه نزله معويه حاده الله يحفظه وعطوه ابر والله يحزن احسه مايتحمل. الله الشافي والمعافي

اختي العزيزة

المضادات الحيوية للاطفال هي اللي تخلي مناعتهم ضعيفة وما يقدرون يقاومو المرض بدونها حاولي انش تبعديهم عن بعض يعني ما يبوسو بعض او ياكلو بنفس الصحن او يشربو بنفس الكوب.........كل واحد له اشياءه الخاصة بروحه.........غيري الوسائد و اللحاف مالهم.............اللي اكبر من سنة اكليهم عسل طبيعي و يمكن يطول بس صدقيني بيفيدهم............امنعي عنهم الحلويات اللي من السوبر ماركت لانها كلها اصباغ و تزيد الحساسية في الصدر............استخدمي قطرة الانف لانه المخاط (اسمحيني) ينزل في صدورهم و يسوي بلغم.............و حاولي تعطيهم الزعتر او البابونج او الزنجبيل (مشروبات دافئة)..........................هذا من تجربتي لاني عانيت من بنتي و هي صغيرة وايد بس الحين الحمدلله في فرق حتى اخوها (6 شهورو نص) صحته زينه بس انا مستمرة اعطيهم الاعشاب و طبعا العسل ما اقطعه عن بنتي ابد.....................
و سامحيني طولت عليش