صحون الشكولاطة بدل الصحون الورقية شكل رائع وذوق أروع

تقومي بتذويب علبة من الشكولاطة فوق حمام مائي بعدها تاخذي عدد من الصحون الورقية الصغيرة الحجم
تعملي صحن داخل صحن كي نحصل على صحن ورقي متين
تغمسي اصبعك في الشكولاطة وتدهني بيها الصحن الورقي من الداخل كاملا وهكذا حتى تكملي كل الصحون
تكرري نفس العملية من جديد لعمل طبقة ثانية من الشكولاطة وبالتالي تكون لدينا طبقة متينة
تخليها تنشف وتتصلب
لحين ذلك تروحي تعملي الحشوة اللي رايحين نحطها في صحون الشكولاطة
تعملي بسكويت البتيفور تهشميه تضيفيلو كمية من حلوة الترك" كاكابيجون"وكمية من المكسرات اللي تحبي مرحية ناعمة جدا كمية من السمسم المحمص والمرحي ن أيضا وكمية من العسل أو المربى حسب الرغبة وتخلطي الكل وتحشي صحون الشكولاطة بهذا الخليط ومن فوق تعملي طبقة من الشكولاطة البيضاء مذوبة وتزينيها بالمكسرات
وبعد ماتنتهي انزعي الصحون الورقية ورايحة تشوفي الشكل الرائع اللي تحصلي عليه ولما تذوقي الحلى أيضا رايحا تشوفي الطعم الأروع