صحيت من غرقة نومي وشفت زوجي كالخيال واختفى طمنوني / توجهي لتجمعات نزهة المتفائلين

السلام عليكم ورحمة الله وبركاته

يابنات انا من سنة وزيادة وانا اشغل سورة البقرة في غرفتي من الفوبيا اللي كنت اعانيها
ومن يوم سكنا بالبيت ولله الحمد مافيه اي شي يخوف الا انه في بيت مهجور جنبنا
ولكن عمري ماشفت اي مكروه من هالبيت مع انه مسكون بالقطط والحمام
والحمدلله البيت حاليا تم شراءه واعادة تصليحه وبصراحة هالبيت هو سبب
الفوبيا اللي فيني مع انه مافيه شي مثل ماقلت !!!!
قبل كم يوم ولدي الصغير صحاني باخر الليل وانا غرقانة بنومي كان يبغى موية
وانا ياالله افتح عيوني من كثر ما انا فيني نوووم المهم وانا في الظلام وكان فيه نور بسيط
من الشباك الا اني شفت زوجي قدامي مثل الخيال لابس ثوب بيت وطاقية يطالعني بصمت
واختفى بالتدريج اقسم بالله هذا اللي شفته ولما نزلت عيني جنب السرير لقيت ولدي يهزني
يبغاني اقوم اجيب له موية وقمت وانا مفجوعة وانتفض من الخوف واسمي بالرحمن
واتعوذ من الشيطان الرجيم واقرأ الاذكار واتلفت يمين ويسار خايفة مرررة
المهم جبت لولدي موية ولقيت زوجي صاحي وجالس بالمجلس وملابسه مختلفة غير اللي شفتها !!
ماعلمته شي بنفس اللحظة انتظرت لبكرة وخبرته طبعا زوجي يقول مجرد خيال ويقول يمكن انك
حلمتي فيني وشفتيني كالخيال وانتي تصحين فجأة بس انا ما اذكر الحلم ابدا ابدا .. كل اللي
اذكره هو الخيال نفسه يا الله مختفي ولكنه شكله قريب للواقع نوعا ما !!!!
ياترى وش هاللي شفته ؟؟؟!!!! الكل يقولي تتوهمين لكني متأكدة منه مو وهم ابدااا
ياليت تطمنوني يا اخوات على الاقل ارتاح شوي اشغلني هالموضوع ؟؟؟