صحيح أنه كثر التفكير بالحمل ياخره ...؟؟؟؟

الدورة والتفكير


الحالة النفسيه لها تأثير كبير بتخربط الدورة مثلا تتأخر عن وقتها وهي منتظمه او تنزل قبل وقتها عن تجربه .. اصلا مو زين اذا الدورة نزلت تزعلين بقوه لانك تنتظرين الحمل الرحم يتعب من ردة فعل صاحبته ..



الحمل والتفكير

بالنسبه للتفكير و تأخر الحمل اتوقع له دور لان شدة الاعصاب مو زينه لازم تكون الوحده نوعا ما ريلاكس على قد ماتقدر وصديقتي يوم اشغلت نفسها حملت وكأنت متأخره بالحمل و بنت عمي قالها الدكتور ريحي راسك من التفكير عشان مايتأخر الحمل.. يعني الوحده تفكر من حقها ماتنلام وهالشي طبيعي وماتقدر تتحكم فيه بس بحدود عشان ماتمرض

طبعا مانقول ان اللي تفكر بالحمل مستحيل تحمل كثير حملوا وهم ميتين من التفكير الله كتب لهم ورزقهم

ومانقول اللي ماتفكر تحمل بسرعه كثير ماتفكر بالحمل نهائيا وماتحمل بنفس الوقت .. ربي ماكتب لها

بس يختلف من وحده للثانيه ممكن التفكير مايناسبك و مأثر عليك .. ممكن يبي لك راحة نفسيه


واذا تبين تريحين راسك من التفكير:

1- عن تجربة اشغلي نفسك بالاقسام الاخرى حاولي تبتعدين خصوصا هالفتره عن قراءة مواضيع تأخر الانجاب يا انها بتحبطك او تخليك تتفائلين بقوه وبالاخير تنصدمين يعني روحي لاقسام ثانيه نصيحه واذا حملتي ان شاء الله اقري اللي تبين وتصفحي المواضيع على كيفك


2-اشغلي نفسك بالذكر لاتذكرين ربي عشان يعطيك اذكريه عشان يرضى عليك لانه لو رضى عليك اعطاك ورزقك من حيث لاتحتسبين ..الذكر ثم الذكر اول ماتحسين انك تفكرين بالموضوع اقعدي استغفري ولو عندك خاتم الاستغفار الالكتروني احسن توصلين للالف والالفين مره وانتي ماتحسين .. الصلاة على الرسول صلوات ربي وسلامه عليه يريح القلب ويشرح الخاطر .. الحمدلله .. الله اكبر..سبحان الله.. سبحان الله وبحمده .. لا اله الا الله.. طول اليوم كرريهم
قال تعالى: ( وَالذَّاكِرِينَ اللَّهَ كَثِيرًا وَالذَّاكِرَاتِ أَعَدَّ اللَّهُ لَهُم مَّغْفِرَةً وَأَجْرًا عَظِيمًا) ما احلاها من اية .. شلون يهون على الانسان يمر يومه كامل ومايذكر ربي سبحانه على الاقل يخصص له ساعه وحده باليوم يسميها ساعة الذكر ساعه واحده فقط ويشوف الانشراح والراحه بالقلب .. ( ( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا ))

دفع البلاء ( ( وَمَا كَانَ اللّهُ مُعَذِّبَهُمْ وَهُمْ يَسْتَغْفِرُونَ) )
الاستغفار سبب لنزول الرحمة( ( لَوْلَا تَسْتَغْفِرُونَ اللَّهَ لَعَلَّكُمْ تُرْحَمُونَ ) )






3-اشغلي نفسك بمركز تحفيظ قرآن مافيه احلى من حلقات القرآن ,,والصحبه الصالحه اكبر غلط اللي تنتظر الحمل يصير عندها وقت فراغ لازم تشغل وقتها بشي مفيد.. ولاتنسين قراءة القرآن يوميا عشان ربي يرضى عليك .. خواتي لاتهجرون القرآن بالايام والشهور.. طيب حنا مخلوقين لعبادة الله سبحانه ومن ثم لنعمر الارض ,, لازم نحسن علاقتنا بربنا بعدين نطلب الحمل والرزق والمال وغيرها من الامور الدنيويه


4-تقربي من الله بالطاعات..
أ-حافظي على الصلاة بوقتها ..(عشان ربي يرضى عليك ويدخلك الجنه مو عشان الحمل)..صلاة الليل حاولي تصلينها يوميا لو ركعه وتر بدون شفع اذا ماقدرتي .. واذا تنامين بدري صليها بعد العشاء وقتها يبتدي من بعد صلاة العشاء الى قبل صلاة الفجر بعشر دقائق تقريبا.. وغيرها من النوافل . الضحى راحه للقلب

ب-صومي تطوع وادعي عند الفطور فالصائم دعوه لاترد بأذن الله بس اكرر وازيد لاتصومين عشان الحمل صومي عشان رضى ربي عليك خلي رضاه هو همك وشغلك الشاغل في هذه الدنيا

ج-تصدقي على قدر ماتقدرين حطي علبه بالبيت وكل يوم حطي فيها ريال اول ماتصحين ابتدي يومك بالصدقه ونهاية كل شهر بيصير عندك 30 ريال تصدقي فيها وبتشوفين التوفيق والتعويض وكل شي جميل

د-الدعاء تحري اوقات الاجابة اخر الليل .. اخر ساعه من يوم الجمعه.. الدعاء بالسجود

ادعي بقلب صادق قلب واثق بربي انه قادر على كل شي قلب واثق ان ربي بيستجيب لي وبيسعدني لانه ماشرع لنا الدعاء الا ليفيض علينا بالعطاء ولو تأخرت اجابة الدعاء اكون على يقين ان هذا الشي خير لي ثقي بالله من كل قلبك انه يرجع اليه الامر كله نحن تحت رحمته ومشيئته وامانينا بين يديه وحده سبحانه

ابدأي بالثناء على الله .. انت بديع السموات والارض انت الحي القيوم انت مالك الملك واحمدي ربي على النعم ومن ثم اسأليه من خير الاخره.. الجنه و المغفره ومن ثم انتقلي لامور الدنيا انت الوهاب لايهب سواك وانت الرزاق لايرزق سواك ارزقني ليس لي احد سواك انت خير الرزقين سبحان الله الخالق البارىء المصور يصور في الارحام كيف يشاء ابكي بين يديه ادعي وانت واثقه واختتمي دعائك بالصلاة على الرسول صلى الله عليه وسلم


ه-ابتعدي عن جميع الذنوب والمعاصي .. ورانا حساب وقبر مظلم وجنه جميله ونار حاررررره خلي همك الاخره وبس بعدين امور الدنيا





اذا طبقتي اللي كتبته فوق كلمه كلمه وماحملتي تعالي وسوي فيني اللي تبين ههههههه



الله يكتب كل خير لك خير

من تجربه اختي كثره التفكير تاثر ع الحمل لان اختي كانت ميته ع الحمل ويوم راحت تشوف سبب تاخير مع ان قبل قالو كل شي سليم عندها بس طلبتها دكتوره تحليل عن الغده وطلعت كسلانه مره وقالت انسي الحمل مافيه لحد ماتتعالجي وسبحان الله بنفس الشهر حملت وماتوقعت ابدا بس ربي مااراد لها يكمل واجهضت ادعولها بالعوض والله يرزقك الحمل وكل محرومه يارب.

صحيح ميه بالميه اشغلي نفسك بدوره انسي الحمل تماماً حطي هدف قدامك توصلين له وتجاهلي الحمل الفترة هذي وبتشوفين اللي يسرك من تجربه يوم حرب. صدام بأكثر الي حملوا لهوا بالحرب 

فيدييييييتكم والله احلا خوات جزاكم الله ألف خير والله يعوض علينا جميعا ويرزقنا الذريه الصالحة السليمة المعافاه ياااارب العالمين ..الله كريم ومن جد مشكورين عتعاونكم وردكم معي  

فعلا كثيرات من كثر التفكير في الحمل يتأخر وبعدها يجي شهر تنشغل بزواج اختها اوتغيير ديكور بيتها تحمل على طول