يابنات أنا في حيرة من أمري وتعبت ومليت وماعرفت أتصرف فقلت أستشيركم لعلي ألقى من يدلني وأرتاح
الموضوع ياطويلات العمر جارتي بنفس العمارة حرمة كبيرة في السن ماشاء الله عليها رغم كبرها
تهتم في نفسها , وضيفانها 24 ساعه ماينقطعون من عندها وبيتها مرتب ونظيف وأنيق وذويقة
ومع هذا الرجال مايملي عينهم إلا التراب لأن زوجها تزوج عليها قبل سنة بثنتين رغم العشرة والعيال اللي بينهم
ورغم إنها ماناقصها شيء لكن عاد وش نقول هذا شرع الله ومامعها إلا الصبر وش تسوي حكم الله والله يصبرها
صحيح إنها مجروحه وأنا متعاطفة معها جدا بس عاد أحسها زودتها كل مرة تجيني ماعندها إلا زوجها
وسيرة زواجه قلت لها ياخاله خلاص هذا أمر الله وتسايري مع الوضع وعلقي قلبك بالله وإصبري
وإنشغلي بنفسك وعيالك وشوفي الجوانب الإيجابية في حياتك وماشاء الله ضيفانك ماينقطعون من بيتكم
تسلي وإبسطي نفسك , المهم تقتنع بكلامي وإذا زارتني المرة اللي بعدها ترجع تفتح السالفه :mad2:
وزوجي وزوجي وهاتك ياسب وشتم فيه وكان الغالي وماعاد له في قلبي محل وخذوه مني هالمرتزقات خطافات الرجاجيل
ومن هذا الكلام اللي يجرح :mad:
خاصة إني أنا بعد متزوجة واحد متزوج وأحسها تجرحني بكلامها
وبعدين الزواج قسمة ونصيب والرجل اللي يخطب الحرمة مو العكس وحصل النصيب حتى لو كان غصيب
لدرجة قلت راح أقصر زيارتي لها وأقعد في بيتي بس ترجع وتزورني وتسمّعني من هالكلام اللي يغث القلب ؟؟؟؟
كيف أتصرف معها تعبت وإنجرحت منها لأني بنفس الموقف ؟؟
وبرضه أستحي أرد عليها لأنها حرمة كبيرة ولها مواقف طيبة معي وتعتبرني مثل بنتها ..
,
’
ورجاءا اللي عندها كلمة تجرح توفرها لنفسها وإلا تنتبه من دعوة مظلوم ,,,,
يلزم عليك تسجيل الدخول أولًا لكتابة تعليق.
ام شرف
•
ذكرتيني بجارتي اقسم بالله من يوم تسلم الي تودع وهي زوجي وزوجي وزوجي الله يسخرلها زوجها بس مررررررررا مزودتها بالشكاوي وانا مابيدي شي اسويلها الله المستعان بس
زائرة
•
الله يسخر لكم
سبحان الله صدق من قال الشكوى لغير الله مذله , ماقول هالكلام الا عشان اللي يحبون تشكون
ممكن يا اختي انتي متنفسها الوحيد حاولي تبعدي عنها شوي وان جابت طاريه غييري الموضوع شكلك من النوع اللي يكمل السالفه ويسلك انصحك تغيريه
ومستحيل تجرحك لو قصدها تجرحك ماشكت لك ولو انها تبي تجرحك كان تسألك بس عن زوجتك زوجك بس شكله ع نيه ومغبونه من زوجها لانها ابخص فيه وماتوقعتها منه
ممكن يا اختي انتي متنفسها الوحيد حاولي تبعدي عنها شوي وان جابت طاريه غييري الموضوع شكلك من النوع اللي يكمل السالفه ويسلك انصحك تغيريه
ومستحيل تجرحك لو قصدها تجرحك ماشكت لك ولو انها تبي تجرحك كان تسألك بس عن زوجتك زوجك بس شكله ع نيه ومغبونه من زوجها لانها ابخص فيه وماتوقعتها منه
الصفحة الأخيرة