السلام عليكم ياحلوات عالم حواء
واخص رواد هذا القسم يالتحديد الي انا بالذات عششت فيه :p
خلاص انفكت العقدة والي كنت انتظره من سنين صار يارب لك الحمد والمنة
اكيد حقولكم سر حملي بس قبلها ابغى افضفض لكم لاني مرررة متضايقة وقولت مافي غير حبيباتي في حواء هما الي حيواسوني :44:
فرحتي بحملي ماكتملت واجهضت وانا في اسبوعي الثالث الحمد لله على كل حال
لو اقلكم سبب اجهاضي حتنقهرو زي ماانا انقهرت وبكيت وزعلت
طول الشهر كنت بستخدم خلطة وكنت متأملة من ربي خير انو يجعلها سبب في حملي ... ولما جا وقت الدورة كنت انتظر بترقب .. عدا اول يوم وتاني يوم والتالت ماجاتني وانا كل يوم ازيد فرح وأزيد امل انو قرب الفرج وماقولت لأحد عن تأخرها وستنيت الين مر خمسة ايام بعد انتهاء موغد الدورة ....روحت بعدها للمستشفى سويت تحليل دم وطبعا مااوصفلكم الحال الي كنت فيها وقت استلام النتيجه خوف مع فرح بس اكتر شي كنت متفائلة خصوصا اني احساسي يقولي اني حامل بس خوفت اصدق نفسي واتفاجأ بالنتيجه
المهم اخدت النتيجه وطيران على السيارة وافتح الوقه والقى.... :o
مافي حمل ... مرة زعلت واتضايقت وبعدها خلاص رضيت بالمكتوب ودعيت ربي يعوضني خير
سرت طبعا خلاص مستنية الدورة تجيني في اي وقت الين اليوم التاني نزل عليا نقطة دم لونه فاتح
قولت اهي شرفت بعد مالعبت فيا واحسب نفسي حامل... خليني أخذ شي ينزلها بسرعه مدام اتأخرت اكيد حتتعبني وأخلص منها بسرعه
واروح المطبخ واخذ رشاد مع التمر ,,, وماتمر ساعه غير والدم يزيد بس ينزل مرة وحده وبغزارة مرررة مو زي الدورة وماينزل غير لما ادخل الحمام الله يكرمكم ينزل مع البول وينزل مثل البول يعني مو متقطع زي الدورة .... بعدها شكيت قلت في نفسي ليكون هذا حمل .. رحت على الطول للدكتورة وفعلا طلع حمل بس خلاص نزل ومابقي منه غير اجزاء بسيطة حتنزل قولتلها انا عملت امس تحليل دم ماطلعت حامل قالتلي احيانا مايبان غير بعد 15 يوم من انتهاء الدورة وانتي حملك كان لسا في اوله
اتحسرت قد شعر راسي اني اخذت الرشاد الي ماعمري اخدته للدورة ابدا ولا ااخذ خلطات ابدا اول يوم الدورة بس خلاص امر الله الحمد لله على كل حال اللهم لااعتراض على قضاءك
هذي قصة اجهاضي بس نجي الان للمهم
انا طول الشهر الي فات كنت اخذ انا وزوجي هلخلطة وهيا اكيد مرت عليكم بس والله انا مرة استفدت منها وفايدتها للزوج اكتر اذا كان عنده ضعف او بطء في الحركة او قلة الحيوانات المنوية ..
لكل نصف كيلو عسل اصلي ( انا استخدمت الكشميري )
10 جرام طلح النخيل
10 جرام حبوب اللقاح
15 جرام غذاء ملكات النحل
5 جرام حبة سوده مطحونة
مكسرا ت منوعه بس مو محمصة ولا مملحه ( انا ماخلطها مع العسل بس يؤخد منها ملعقة للزوج فقط )
تخلط جميعا ويؤخذ منها ثلاث مرات يوميا للزوج والزوجه
وطبعا للزوجه بعد ماتعدي ايام التبويض وقفيها عشان لاتغلطي غلطتي وتجهضي اذا حصل حمل لانو العسل حار
اقل مده تستخدم هذي الخلطة ثلاث شهور يعني مانيأس من اول شهر مايحصل فيه حمل
وانا كنت اشرب كل يوم ميرامية عشان هرمون الحليب وزوجي يشرب تلبينة طبعا الرسول وصى فيها وهيا مقوية للرجال
اسفة اذا طولت عليكم ... يارب يكتبلنا الي فيه الخير يارب ويتغير اسم هذا القسم من تأخر الحمل الى سرعه الانجاب
-منى الروح- @mn_alroh_16
عضوة فعالة
يلزم عليك تسجيل الدخول أولًا لكتابة تعليق.
بلبلة *
•
الله يعوضك جزاك الله خيراً
الله يعوضك خير عاجل غير اجل والف شكر على الافاده الله يكتبها بميزان حسناتك ياربالله يعوضك خير عاجل غير اجل والف شكر على الافاده الله يكتبها بميزان حسناتك يارب
اللهم آآآآآآآآآآآآآآآآآآآآمين
الصفحة الأخيرة