من ناحية غايرين فانا ما استبعدها ....وعن تجربه

انا ياعزيزاتي بيتي مساحته كبيره ودورين وعندي 4 اطفال وما اجيب شغاله الا وقت الحمل يعني يمكن من الرابع الى ان يكمل طفلي 4 شهور واصرفها لاني وببساطه اكره وجود شخص غريب في بيتي وما احب اني اكون مراقبه اكرررره هالشعور لي الان اكثر من 4 سنوات ولله الحمد بعد اخر شغاله ولله الحمد مسيطره ع الوضع ومرتاحه وزوجي مرتاح.. صح ساعات اتمناها لكن اذا خلصت شغلي حمدت ربي انها مو عندي وعسى الله يمتعنا بالصحه والعافيه اما نظرية ان اللي عندها شغاله سمينه واللي ماعندها نحيفه لااااا للاسف ما مشت معي الا بالعكس تلقين الوحده بيتها مثل علبة السردين ومع كذا عندها شغاله وماشاء الله نحيفه ..
اكثر شي يضايقني اذا دروا ان ماعندي شغاله تلقين الوحده تنط عينها من راسها من شدة الاستغراب وكان الشغاله اوكسجين لايمكن الاستغناء عنه ..مع ان البعض عندهم انها اهم من الاكسجين ..

صدقيني مايعجز بالواحد كثر الهم
اعرف وحده ماشاء الله تبارك الله عندها 9 الكبار اللحين في الكليه والصغير ابو 3 سنوات ومااااااااادخل بيتها شغاله مع العلم ان زوجها راعي عزايم ومن النوع اللي مايعترف بالطباخ يعني تطبخ الذبيحه في البيت وماشاء الله تبارك الله اقارنها باللي حولها وعندهم شغالات فرررررق بخفة النفس والفرفشه وحتى بالشكل ..

الخلاصه مايعجز بالوحده كثر الهممممم الله يبعده عنا..

السلام عليكم

حبيبتي
حلو الاستغناء عن الشغالة

بس لاتخلي الاستغناء عنها يهلكك
مهما كان الارهاق بالشغل والانغماس بالأعمال يهلك البشرة والشعر والعضام
وكمان الجلسة سبب لكثير من الاعراض الغير صحية

بس أنتي الأشياء اللي ممكن تطيح عنك سويها
مثل غسالة الصحون تفكك من الوقفة لغسل المواعين وهي لكل شيء حتى القدور-إذا كانوا ستيل-
والغسالة الأتومتك والمجفف الحراري

يعني أي شيء تقدري تشيليه عنك شيليه

والله يكون بعونك