صحيح انا ما يعجبني العجب والا شلون ؟؟

السلام عليكم ورحمة الله وبركاته


بصراحه احترت وين احط موضوعي .. متضايقه من نفسي ومن زوجي وقلت احطه بأي مكان المهم احد من بنات حواء تعطيني كلمه

انا وزوجي متزاعلين والمشكله انه جاب لي اربع شغالات وكلهم ما صلحوا لي
حاجتي للشغالات ملحه وهذا الشي متفقين عليه انا واياه
لكن ربي ما وفقني فيهم وهو منزعج ويقول انتي ما يعجبك العجب

طيب انتم احكموا الله يجزاكم خير

وحده جتني وما ارتحت لها من يوم دخلت علي مريبه جدا كل شي لازم تقراه وكل شي تطل فيه وعيونها تخوف واكثر من مره الاقيها تتسمع عند باب غرفة نومي ومع ذلك نهرتها وصبرت عليها آخر شي اكتشفها تشرب زقاير في بيتي وسارقه مني شي ثمين


الثانيه الظاهر جايه للسعوديه سياحه مو شغاله .. ما تبي تشتغل تبي تنام وتاكل واذا أمرتها بشي تسويه ذاك اليوم وبس وبكرى ما تعيده واذا قلت لها كل يوم تسوين كذا تتأفف وتروح وتتركني وكل يوم والثاني زعلانه وقافله على نفسها بالغرفه
اطفال ما تبي وتنظيف ما تبي وغسيل ما تبي وكوي ما تبي ,, بس تبي الطبخ وطبخها الله يكرم النعمه بالاضافه الى انها وسسسسسسخه حتى ما تتحمم عطيتها صابون وشامبو وقلت لها وانا مستحيه ابيك تتحممين بعد فتره لقيتها مخبيه الصابون والشامبو في شنطتها ولا لمستهم


الثالثه عندها عفش عليه الف قفل وقفل وش فيه ؟؟ الله اعلم وكل ما طلعت لغرفة الغسيل الللي جنب غرفتهم تلحقني وما ادخل غرفتهم الا وهي لاحقتني وخايفه
آخر شي لقيت معها في شنطة بنتي شعر وصور وخرابيط


الرابعه مسويه رعب لبناتي اذا ما سمعوا كلامها تقول لهم ابقطع يدينكم والا بقطع راسكم واعلقه عند الباب البنات دايم يتنافضون حتى صاروا يتبولون في فراشهم
واذا قلت لها ليش تقولون لهم ذالكلام تقول امزح معهم !!!




هاه وش رايكم ؟؟