وانا بعد والله ابي جاوب لسؤالكم

والله يااختي الظاهر ان عملية تدليك فروة الراس اللي نسويها لما نحط الزيت هي السبب

لأن الفروه لازم تتحرك علشان الدوره الدمويه .. صح والا لا ..؟؟

وعلشان كذا مع استخدام الزيوت .. لازم ندلك الفروه علشان تستفيد ولما يتحرك الدم في الفروه وبأذن الله يطول الشعر .. بس لازم الأستمرار

والله يا اختي قمر الامارات أنا استخمت الخلطة تقريبا من ثلاث شهور ولاحظت انه فعلا يطول الشعر لانه شعري كان لين الكتف والحين صار لين الخصر يعني ماشاء الله طال وايد بس شعري من النوع اللي يطول بسرعة لانه أصلا طويل وانا كنت قاصتنه مع اني ما كنت مداومة عليه بس يوم احطه اتم عليه يوم كامل واحيانا أكثر والحين الطول واضح .. اعتقد انه السر في الخيشة مب الزيت .. و في خلطة تطويل الرموش نحرق نواة التمر لين يتفحم وبعدين نطحنه ونخلطة بالخروع يعني اللي ينتج عن الحرق يطول والا انتو شو رايكم..

أفا.... كل هالبنات مجربين هالخلطه ولا أحد قال أنا زعلت...وأنتي بعد يا عصاقل ما هجيتها منس المهم أسلون الطريقه وأبيها بالتفصيل المملس...واي الله يقطع اليس صرت مثلك أتس تس

مرحبا مس ديور
اذا تريدي طريقة حرق الخيشة انا عندي الخبر اليقين
وماراح اتعبك ابدا ولقولك المعلومة بكل بساطة

شوفي يابنت الحلال

تإخذين الخيشة >> اكيد تعرفينها >> وتحطيها بصينية كبيرة وتحرقي جزء منها وتخلينها بس ابعدي عنها كل شيء ممكن يشب ولا الله يستر :)

طبعا النار راح تاكل الخيشة بسرعة واقلبيها على الجهةالثانية علشان النار تتسرب لجميع اجزاء الخيشة
وبعدين لملمي الرماد الناتج وحطيه في اي زيت انتي تستعمليه
سواء دابر او نارجيل او زيتون او اللوز
واقولك عن نفسي احطه مع زيت نارجيل
اما اختي حاطته مع دابر
واستعمله كلما جيت ادهن شعري



اة نسيت اقولك لما تجي تستعمليه رجي الغرشة قبل الإستعمال
واذا حرقتي الخيشة وتريدي تستعمليها نفس اليوم خليها ساعة علشان تتفاعل معاها
ترا هذه الطريقة انا جربتها وخواتي كلهم جربوها

واتمنى لك التوفيق

بس امانة عليكي اذا استعملتيها ردي علينا خبر وقولي لنا النتايج


تمام

يالله مع السلامة