صحيح مُسلم .. لكن : الهَم كافر ...,, للمبدع :- أحمد الصـآنع ..

ألســلآمـ عليــكمـ والرحمة الله وبركــآته








ودِّي أموت .. اليوم ... وأعيش باكر
وأشوف مِنهو .. بعد موتي فقدني ..!


ومِنهو حَمَلني لِين .. ذِيك .. " المقابر "
وأشكر أنا .. كِل من كَرَمني ودِفنِّي


وبَشوف .. يرثيني أنا كَم ..؟
ومِنهو تركني .. وما كِتَب شَي عنِّي


شِخصٍ تعنَّى لي .. مع إنَّه .. - مسافر
وشخصٍ قِريبٍ .. وآنا مَيِّت طعنِّي !!


وشخصٍ يمثِّل دمعِتَه .. ما هو قادر !
وشخصٍ تِطيح دموعه كِل ما ذكرني


ومِنهو مِن أهلي فـ العَزا كان حاضر ؟
ومِنهو دعى لي في " صلاته " ورحمني


ومِنهو بنى سبيل ومنابر
ومِنهو . . . يفز قلبه .. إلا مِن لمحني


ومِنهو عشاني : طول الأيام ساهر ..!
ومِنهو ثلاث أيام .. راح وتركني ..؟


ومِنهو يرتِّب .. - غرفتي .. / والدفاتر
وإن شاف ( صوره ) لي مات وحضنِّي


يالله عسى .. ما تغفى كل المشاعر
ويالله عسى .. ما ينصِدِم يوم ظنِّي


خايف يروح العُمر .. وأكون خاسر
وإن طار طيري .. ما يفيد / التمنِّي


وخايف يجيني وقت : أكسِر خواطر
إن دارت الدنيا .. وزماني كسرني


ومدام هذي الدنيا .. صارت مظاهر
وكِل مَن على كيفه .. وجَوَّه يغني





الضيق وافي .. والحزن حيل وافر
والجرح أكثر شي .. شفته يحبني !!


عايش وميِّت بين .. ماضي و حاضر
والصبر ضاع منِّي


قل وش تبي وتتركني يا حزني آمر
مسكين فرحي / تصدِّق إنَّ وحشني !!


( شاعر ) ولكنِّي .. ماني بـ شاعر
ودِّي أموت اليوم .... وأرتاح منِّي !!

:


للمبدع : أحمد الصانع




ممــآ رآأقـ لــي ’,,