صحيح من قال الحريم يقربن ويبعدن ويجمعون ويفرقون ...

السلام عليكم ورحمه الله وبركاته

كيفكم صبايا ان شاء الله تمام بنااات تكفون تكفون ابغاكم تحطون انفسكم مكاني انا اليوم مقهوووووره ومرتفع ضغطي

آآآآآآآآآآه بس بقولكم وارجع اقول قولو لي كيف اتصرف انا عندي 4 اخوان كلهم متزوجين الله يوفقهم وعلاقتنا بحريم اخواني الحمدلله حلوه سواليف وهروج ومانتدخل ابد بخصوصياتهم وهم بعد ماعدا وحده الله يهديها فيها اشياء زينه

بس من النوع اللي تدق بالهرج وفيها لقافه وبصراحه انا مااحب اجلس معاها وللأسف هي هذه قلبت وحده من حريم اخواني علينا وغيرتها الله المستعان

المهم انا وأمي واخواتي من النوع اللي مانسأل ابد اخواني ولاحريمهم وين رحتوا أو جيتوا بالعكس هم يحكونا وأحيان اخواني هم يطلبون يأخذونا معهم وكذا

اللي صار اني كلمت أخوي زوج هذه اللي مارتاح لها وبغيته يوديني مشوار قال لي والله انا مسافر لاحظوا حتى ماقال لأمي ولاسلم عليها يوم مشوا مع انه والله ثم والله ثم والله لو جا وقال يالله معنا مارحنا معهم احنا نستحي المهم
بالصدفه اخوي الثاني يقول فلان امس كلمني وقال تعال خاوني انت واهلك تخيييييييلو انا انصدمممممممت بس اخوي رفض لأن زوجته ماترتاح لحرمه اخوي الأولى وشكلها زوجة اخوي الاول تبي تسحبها مننا

أنا حزززز بنفسي مادام الدعوه فيها عزومه ( وأنا متأكده مليون بالميه ان زوجه اخوي هي اللي قالت كلم اخوك وزوجته يسافر معنا لأني عارفتها وعارفه حركاتها تبينا نصير لحالنا ) على الأقل بتعزم قول لأمك يالله معنا يمه أنا
ماابي اروح بالطقاق اصلا سفر معاهم مااحبه بس مادام السفره جمعه وداق على اخوك تشاوره من باب أولى أمك
يعني لو لحالهم بالعكس نقول بيأخذون راحتهم

آآآآآآآآآآآآآآآه المهم انا انصدمت وأمي شخصيتها ضعيفه بالله لو أنتوا مكاني اي تسووون انا خلاااااااص مقهوره
صحيح من قال الحريم يقربن ويبعدن ويجمعون ويفرقون ...:(

وأنا بين نارين ان سكت قهر ويتمادون تخيلو مره من المرات سافر اخوي هذه وزوجته وعياله مع اخوي الثاني واهله ولاحتى قال لأمي
انهم ماشين ارجع واقول لو لحالهم بكيفهم لكن سفر جماعه وان تكلمت اكيييد بيقلبون الهرجه على واني غيرانه وابي المشاكل وانا والله مو هامني الا امي وامي من النوع اللي تحس وتبلع ماتتكلم