السلام عليكم ورحمة الله وبركاته
كيف حالكم واحوالكم مع رجالكم عساكم مستانسين وكلش زين..
فيه موضوع فاقع مرارتي وهو إذا صخنت الرجل صخونه عاديه قوم الدنيا ولا قعدها
وقام يون ويزنت<<<يعني يقول ءه ءه ءه
وهي فلونزا ماراحت ولاجت ويسوي حالة إستنفار في البيت:3_10_6: لاحد يصجني
تعبان سكتي بزارينك..:04:
وتعالي شوفي كراتين الأدويه ماخلى صيدليه ماخم منها
وكل شوي يقول تعالي شوفي علي حراره وإن قلتي مافيك شي قال إلا
فيني حراره داخليه<<غصب هو
أحس بجسمي يعورني ماأقدر أوقف ويصلي وهو جالس ولا يتعدا بيته
ويتشكى 24 ساعه..
ياتسبديه وش ذا الجواره في الرجاجيل معد يتحملون شي أبد والحرمه ياعيناتي
تصخنها وتطيب ماجاب خبرها لأنها تتحمل مب زيه لاويصير هو اللي معديها بعد
بالفلونزا..ويمر عليها شي أشد حمل وولاده:06:
ياليته يجرب الوحم يوم ويشيل الكرشه نص يوم وتجيه طلقه وحده
عشان يحس بالألم صح...
وإذا قام يتشكى ياويلك ماتتفاعلين معه وتقولين ياعمري تعبان فيك حراره
اعطيك علاجك..
ولا إذا وجعه ظهره أوكتفه تعالي شوفي كل ماتحرك شوي آآه آآه
ويعقد حواجبه من شدة الوجع<<الله من الصدز
عشان تقولين تبي اهمزك<<بمعنى مساج
ثمين يستاااانس هذا اللي هو يبي وإذا جيتي تدلكين ظهره قال ايه ايه
رصي هنا اضغطي بك قوتك<<وين الوجع اللي من شوي وما تقدر تتحرك
ويالله تسند ظهرك..خخخخخخخخ نصاااب
مرتن صخنت رجلي وأقعد أدلع فيه اسبوع كامل ومكيف كل ماقال شي قلت ياعمري
إيه من يصبر على وجعك واعطيه علاجاته بوقتها:43: وبعدها بكم يوم وجعتني يدي
ولي كم يوم اشكي له بس على خفيف ابيه يعطيني وجه وهو ولا همه
قلت له أقول يدي توجعني الله يحييك..قال: وش أسوي بتس:hahaha:
كانه صافقني على وجهي انطميت وسكت..
شكلي طولت عليكم بس هذا اللي في خاطري..وقولوا لي رجالكم تسذا..؟؟
يلزم عليك تسجيل الدخول أولًا لكتابة تعليق.
هههههههههههههههههههههههههههههههههههههههه
هههههههههههههههههههههههههههههههههه
الله مييير يرج عدوتس
رجالناا سيم سيم زوجتس
لا ولا مرضنا يعلقوون علينا خخخخخخخخخخخخخ
الله يهديهم
تقبلي فرتي من هنيه
هههههههههههههههههههههههههههههههههه
الله مييير يرج عدوتس
رجالناا سيم سيم زوجتس
لا ولا مرضنا يعلقوون علينا خخخخخخخخخخخخخ
الله يهديهم
تقبلي فرتي من هنيه
الله يسلمك علي الاءسلوب الرئع
بي صراحه كفيتي ووفيتي بس
القهر صدق اذا كان عندك موعد
من شهر وماتقدرين تئجلينه وهو
مافيه الا كحه يقول تراني تعبان
يعني افهميها مافيه روحه هذي
اللي تتتتقهر.......يسلمو علي الموضوع
بي صراحه كفيتي ووفيتي بس
القهر صدق اذا كان عندك موعد
من شهر وماتقدرين تئجلينه وهو
مافيه الا كحه يقول تراني تعبان
يعني افهميها مافيه روحه هذي
اللي تتتتقهر.......يسلمو علي الموضوع
كانك تتكلمين عن زوجي
بس الحمد لله اللي مصبرني على دلعه اني اذا قلت تعبانه
قال لاتسوين شي ولاتشتغلين علشان ماتتعبين زيادة علشان مايتوهق
بس الحمد لله اللي مصبرني على دلعه اني اذا قلت تعبانه
قال لاتسوين شي ولاتشتغلين علشان ماتتعبين زيادة علشان مايتوهق
عندنا وعندك خير 000
هم يدورون حنان كنهم بزران صغار0000
لكن احنا ما نسمع الاجملة واحده ( والله احنا نقول الوحده تهتم في نوعية اكلها لكن من يسمع , اشربي حليب)
0000اموت واعرف ايش جاب الاكل والحليب في الارهاق والزكام
واحيانا كن وده يقول تستاهلين
هم يدورون حنان كنهم بزران صغار0000
لكن احنا ما نسمع الاجملة واحده ( والله احنا نقول الوحده تهتم في نوعية اكلها لكن من يسمع , اشربي حليب)
0000اموت واعرف ايش جاب الاكل والحليب في الارهاق والزكام
واحيانا كن وده يقول تستاهلين
الصفحة الأخيرة
انا ماتزوجت بس اشوف الوالد وخوالي الا درجة اننا حفظنا متى يكحون ومتى يونون وانواع العلاجات والمره ولا قالت الوحده يوجعني شي قالو ابد مافيك الاالعافيه:mad: