هو طبيعي الان هرمونات تتغير في جسمك لا تحاتي ان شاء الله خير

اي بس خفت تسمم حمل
لان الصداع بالساعات ما يوقف
و حتى ما اقدر انام

انا بحملي الاول جاني بالشهر الرابع كله
صداع قوي لدرجة انسدح ماقدر اقعد طول وقتي منسدحه نبض براسي كانه قلب فيه من قوته ولا اقدر افتح عيوني زين من الصداع
رحت للطوارى وقاسو ضغطي قالوا ضغطك زين وممتاز مافيك شي وقالوا لي تحملي او كولي حبوب راس
يوم تطمنت انه مو ضغط وهذا طبيعي تحملت طول الشهر الرابع واختفى من الله بعد ماخلص الشهر
حملي الثاني برضو زي كذا بس ماطول يمكن اسبوع بي واختفى برضو تطمنت بالطوارى ان ضغطي ممتاز ولا اخذت شي تحملت وراح
حملي الثالث برضو بس يمكن كم يوم مو اسبوع وكلمت الصيدلي ابي حبوب راس لي وقالي لاتاخذين بنادول اكسترا خوذي ادول لانه اي كلمه حبوب فيها كلمة اكسترا نسبة الكافييين عالي وماينفع للحامل وبنادول فيه نسبة كافين لكن ادول العادي الازرق مافيه
اخذتهم واكلتهم بحملي الثالث بس يمكن مره ولا طول معي الصداع كم يوم وراح


المهم لازم تتطمنين بالطوارى اذا ضغطك زين ولا لا اذا ضغطك ممتاز خلاص خوذي لك حبه ادول

انا جاني بالشهر الثاني او الثالث بغيت اموت احس راسي فيه قنبله بينفجر من الوجع تعبت بس اصيح اصيح يالله خف علي دهنت ورحت اكشف ع اذاني قلت يمكن منها بس الحمدلله عدت ع خير الله يسهلها عليك

حاليا الصداع كله اخر الليل و ما يخليني انام و انا بديت الشهر الرابع
و عندي انخفاض بالضغط متواصل
كله ٨٩ على ٥٩