صداع من مشاكل وحط حرته فيني

السلام عليكم
بنات بالله عليكم ماتقولو موقف سخيف او فاضية والله انه يرفع الضغط
اليوم الصباح اخذني زوجي للمستوصف عند دكتورة اطفال انا والبيبي
زوجي خجول جدا بالاماكن العامة وخصوصا اذا تعامل مع الحريم يصير يتلعثم ويتوتر
لما دخلنا راح عند موظف استقبال وطلع ماخذ دور واحد عسكري كان واقف على جنب يتكلم جوال راح دفه بسرعة ويقوله والله السالفة يبغالها ذوق بس وعطاه كم كلمة هو وموظف الاستقبال وطلعوه
بعد ماخلصنا ورحنا عند الدكتورة انتظرناها شوي حتى دخلتني انا والبيبي
مقاعد الانتظار ملخبطة وفوضى الحريم قاعدين بمكان الرجال والرجال بالعكس
لما طلعت كان زوجي قاعد بمقاعد الحريم وجات ممرضة هزئته قدامي وانا رديت عليها ماردت كنت انتظر الدكتورة طلعت تكتب لي فاتورة
لما جلست جا جلس جنبي ومقابلنا ٣ حريم وطول وقته متوتر ويرصني عشان استعجلها عشان اخلص وجا واحد كبير شوي بالعمر قعد بمكان الحريم لانه المكان فاضي خمس دقايق بس واستلم زوجي
ليه قاعد مع الحريم ماتستحي انت قوم اقعد هنا لا بارك الله فيك
قاله انا قاعد مع حرمتي وانا قلتله هذا زوجي وهو قال واذا كانت حرمتك ماتشوف في حريم غيرها انت ماتستحي وهو يتكلم والحريم يضحكون والعسكري نفسه واقف قدام باب ينتظر حرمته ويضحك بصوت عالي علينا وزوجي متفشل
قام وقف كحل وسط وماسلم من لسان الرجال وانا اركض ورا الدكتورة استعجلها والبيبي يبكي وعيوني على زوجي
حتى انفجر صار يسب الرجال ويهدده يهين كرامته قدام اهله والعسكري يضحك التفت للعسكري قاله تضحك على ايش يا اهبل شفي امك تضحك بصوت عالي وذاك صار يضحك بزيادة والرجال قام كأنه بيضرب زوجي وتجمع المستوصف علينا وحراس الامن تدخلو وصرنا فرجة للرايح والجاي زوجي والرجال يسبون بعض والعسكري يضحك ويعزز للرجال وزوجي يلتفت له يسبه انا خفت العسكري يسوي له مشكلة ماصدقت على الله خذيت الفاتورة من هالدكتورة لي موراضية تخلص ومشينا والناس تطالع فينا وهو يسب فيهم كلاب حقراء ويلعن فيهم ماخلونا نطلع تدخل رئيس مجلس الادارة وطلع من مكتبه ومسك زوجي والرجال قالهم بطلب لكم الشرطة تحل الموضوع بالعافية لا طلعونا وليتهم تركونا بس سكورتي صور سيارة زوجي ودخل وذاك بغى يلحقه بالعافية لا مشينا منهم وقعد يحط حرته فيني ماخلى شي ماقاله في السيارة علي