صداقات العمل

ركزي في عملك عشان تصدين عنهم ولا تعطيهم وجه
وغيري الموضوع عشان تعرف انك ماتعجبك سوالفها واعلومها
واحفظي لسانك مع الجميع من اي زله لأن من حكا لك حكا فيك
والي يحاول يجيب الأخبار اللي تكدر هذا عدو مو صديق

فيه وحده مديره جديده جاتها معلمه باخبار صديقاتها تحسبها مثل الي قبلها
عاد هالمديره ماتحب نقل الكلام على طول واجهتها فيهم وقالت لها
لاعاد تجيني بمثل هالسوالف

شوفي يا اختي في العمل لازم تكونين حذره لأنج ما تدرين يا اختي شنو الأشخاص اللي وياج بالعمل و خاصة ان العمل يكون موقع للتنافس على المسؤوليه.. فصعب تعرفين الصالح من الطالح الا مع العشره

والله يكون بعونج

للأسف هالنوعية من الزميلات ما يرتاحن ولا يملن
إلا لو سون هالشي وعشان جيه البعد عنهن غنيمه

وشوفي الاشياء اللي تعلمتها من خلال شغلي:

اني اللي تييب لي أخبار ومعلومات عن الزميلات
ممكن ويا غيري أكون من ضمن أخبارها

اني ما أصدق كل شي أسمعه ومب كله
وحده تشتكي من ظلم وحدة ثانيه تكون فعلا مظلومه
وياما شفت دموع التماسيح جدامي

المدح اللي أسمعه ممكن ينقلب ذم من ورا
ظهري

أكون مستمعة لكل زميلة حابة تشكي أو توصل
لي معلومه أو خبر وأحتفظ بكل شي أسمعه لنفسي


وتعلمت ما أعطي سر أو أي معلومه سواءا عني أو
عن الدوام ولا أعلق على أي شي لأييييييييي حد لأني أعرف
قدرة المرآة العجيبه في النشر وعجزها عن الاحتفاظ بأسرارها
وأسرار غيرها


وأخيرا تعلمت اني أبتعد عن هالنوعية من الزميلات وأركز في
شغلي عشان أرتاح من كل النواحي

عزيزتي انفينيتي: تقريبا انا قاعدة اتبع اللي قلتيه بس مشكلتي اني حساسة واتأثر بسرعة خاصة اذا جتك وحدة تقولك مديرك يشكي منك وانتي مدركة من داخلك انه تزويد ومبالغات بس هالكلام ينتشر وتتشوه صورتك.

أنا ما أخوفك ..... ولكن أحذرك منهم كوني حذرة منهم مليوووووووووووون مرة فعلا ماتعرفين مايتهم

طبعا من واقع ألم عشتة منهم ومازلت أعاني منه

والكثيييييييييير يعانون من نفس المشكلة

الله يحفظك منهم .