صدري ضايق وبس ابكي اعطوني حل شسوي

اول شي اسلم عليكم ياحبوباتي بنات حواء وكل وحده تقرأ قصتي تدعي لي بالذريه الصالحه
اليوم زوجي اللي حبيته اعترف لي انه كان يبغى يتزوج وحده ثانيه وانه مو مرتاح وياي شقد صدمه كبيره خلتني مااعرف حتى انام بس كل اللي استنتجته انه اني السبب
رخيت الحبل كثير لدرجه انه صار وده يتركه مل من كثر ماهو ماسكه
رخصت بنفسي واجد لدرجه اني مااطلب ولا شي ولو طلبت حتى توافه الاشياء مااحصل عليها
لامصروف لا فواتير لا بطاقة شحن حق جوالي نهائيا مااحصل شي منه ويقولي انا مو بخيل انا اجمع عشانك وعشاني .. وانا بسذاجتي البالغه اصدق
صحيح لو عند اهلي كنت بلاقي كل شي اطلبه وابغاه غير المصروف
لكن انا احبه وماكان ودي اتركه لسبب انه ماعنده يصرف علي
ولا حتى لسبب انه مايجيب ولاد بالنسبه لحبي له هاذي اسباب غير كافيه اني اترك حب حياتي وزوجي
مو عارفه اتصرف او اتخذ قرار لأني تعلقت فيه وحبيته والا كان اتخذت قراري وتركته ومشيت كفايه اللي ضاع من العمر مع واحد ماقدر حتى يرتاح بأحضاني واني اللي كنت احسه غير احس بحضنه بالامان والمحبه واحس اني طايره فووووق
ندمانه لأني افتكرت انه يحبني
كيف ممكن اتغير
ويش اسوي له دلوني فهموني عارفه نفسي مغروره متكبره مستحيل بقبل واسكت لو سواها وتزوج لأنها بالنسبه لي خاني وباعني يمكن بعضكم عادي
بس عارفه نفسي مستحيل بقبل واسكت للأسف مو انا المرأه الضعيفه اللي تتحمل اللي بيجيها وتتقبله بنفس راضيه لأني ماعندي اولاد وهاذي سنه رابعه زواج ومستعده اضل بدون اولاد طول عمري لو كان زوجي مبسوط معاي رغم اني اموت مكاني لما اشوف أحد حامل ولده بين احضانه
او يتمشى معاه عند العاب
اذوب مكاني لما اشوف ملابس اطفال بالسوق وانا اطالعها واتحسر
وزوجي رافض يتعالج ومن حبي له مااقدر اجبره على شي هو رافضه مع انه مو حقه القرار لحاله
للعلم بنوتات انا حلوه ولكن عيبي دبدوبه اعمل ريجيم حاليا لكن زوجي ماساعدني ابدا
اشوف الناس حولي الكل زوجها يساعدها يجيب ليها اغراض للريجيم بالبيت او اله تمشي عليها
انا ماساعدني في ولاشي
زوجي ماكان يشتغل قبلت تاجرت وصرفت على نفسي وحتى عليه مااشتغل الا لما بخلت وقطعت مساعدتي له اهلي اقنعوني عشان يتحرك ويشتغل
والله يابنات من اشتغل 6 شهور اعطاني مصروف شهر واحد بس رغم انه يعرف اني بطلت تجاره ومحتاجه
بس حسيت المصروف اللي اعطاني اياه غيييييييييير ذاك الشهر كان احلى شهر مريت فيه لأن الفلوس من الزوج غيير رغم انه ابوي تعود شهريا يعطيني مايقصر بس من اشتغل زوجي وحاسه حالي احتاج حتى للريال لأن ابوي ماعاد يعطيني مصروف
سامحوني طولت عليكم بس ماعندي غيركم افضفض ليه أحبكم كلكم