صدفه سوت بي كذا وفي الوقت المناسب

السلام عليكم ورحمة الله وبركاته

مساء الخير خواتي

كل يوم تقريبآ اقراء او اسمع عن الحمام المغربي المهم وكنت اجربه مثلي مثل غيري لكن اسمع بعض الاحيان عن ردود اوتعليقات للبعض ان فيه سواد
وجلد وغيره واتحمس واسويه لكن
خبر خير ولاشىء من اللي يقولون .!! مدري هو من زود النظافه (ههههههه)

المهم جات ذاك اليوم زوجت اخوي وشافت عندي جهاز بخارالوجه كنت منزلته من الخزنه اللي فوق(من قل الاستعمال)
وسألت هذا وشو وووووالمهم قالت طيب ابي استخدمه علميني الطريقه وعلمتها
وكان فيه زواج لأحد جماعتنا اليوم اللي بعده مباشره وقالت خلينا نسوي حمام بخار ويطلع شكلنا غير (علمن ان ماكان لنا نيه نروح الزواج لظروف وفاه عندنا(عم امي له شهر ونص ) والوالد اجبرنا هو والوالده على الحضور انا وزوجت اخوي نيابه عن الوالده و بسب صلة القرابه
المهم ماكنا مستعدين ابد للمناسبه ومالنا حل ثاني عشان نختاره راحت زوجت اخوي و جابت اغرض من الصيدليه كامله
صابون مغربي
زيت الجلسرين
زيت اللوز
ليفه مغربيه
صابونه الطاؤس
في كرتون كلهم بـــ25 ريال
ولما قريت على الكرتون مكتوب اخلطي الزيتين مع بعض(كميه منهم تكفي الجسم لدهنه)المهم طبقت الطريقه
وسويت طلع صحيح اللي اشوفه شىء ..... :09:
وقلت لأمي وطبقت وصار لها مثلي وزوجت اخوي نفس الطريقه
بقولكم الطريقه وجربوها وان شا الله تنفكم مثلي


ادهنو جسمكم بمخلوط من زيت الجلسرين واللوز واقعدو ربع ساعه
قبلها ب20 دقيقه خوذي جهاز بخار الوجه وعبيه ماء وشوي ملح وخليه يشتغل بالحمام
واذا مر ربع ساعه من دهنك لجسمك خوذي ماء دافىء مائل الى السخونه
وانقعي فيه الليفيه
وعقب اشطفي جسمك بماء وصابون مع التفريك بشكل بسيط
وبعدين ادهني جسمك بالصابون المغربي والبسي (شفتو الملابس اذا جبتوها من الغسال الاكياس )
هذي البسوها مايطلع منها الا الراس بس وحطي جهاز بخار الوجه تحتك (موتحت المنطقه ... قدام شوي عشان مايدخل لك هواء)

الى المده اللي يستحملها الجسم وبعدين انزعي الكيس وادعكي جسمك وشوفي
كيف راح يطلع الوسخ :09: .:icon28:
وفي نهايه الحمام اغسلي جسمك (الشطفه الاخير ه باصابونة الطاؤس )بعدين صبي على جسمك ماء باارد عشان يشكر المسام
وادهني جسمك بمرطب على طول

حمام الهنا
ولاتنسوني من الدعااااء