صبآح الخير
المعرف طبعا مو ليه لآنه مآ ابي انعرف
والله يجزاها خير صاحبة المعرف>>> صديقتي
انا واعوذبالله من كلمة انا تربيت بعايله فيها نوع من الخصوصيه
يعني شيء لكل ويخصك محد يتدخل فيه وتعودنا ان الحمدلله ابوي ما يقصر علينا ابدا ولانناظر ونطلب غرض غيرنا
تزوجت والحمدلله لكن زوجي كانت ظروفه ما تسمح لي مصروفي يكون مثل بيت اهلي وراعيتــــــــه وقللت من مصاريف واشياء ضروري كمان
ما كنت اطلبها ولاكانت الحياه اللي اتمناه ولا اللي تعودت عليها في بيت اهلي
اي وحده اكيد تتزوج تبي تكون حياتها مثل اهلها او افضل لكن انا كانت العكس وصبرت وكان هذا الشيء واضح اوقات قدام اهلي لكن كنت اقول لاالحمدلله مو مقصر رغم انها اوقات يمديه بس هو ماعنده حسن المسؤليه
مرت سنه رغم المنغصات اللي فيها
اللي خلاني اكتب الوضوع انه ابو زوجي ربي منعم عليه ومليونير لكنه بخيل
وهذا شيء راجع له ما لي خص فيه لكن تخيلو امس الساعه 1:8 الليل
اسمع جوال زوجي يدق كذا مره قلت يارب سترك غريبه احد يتصل الحين
وشوي الا اخته تدق على جوالي انا قلت دامها تدق بهذا الوقت المتاخر اكيد فيه شيء واتفاجئ انها تطلب مني الاب توب حقنا انا وزوجي يبغاه اخوها انا سكرت وقلت خير ياربي لين متى ,وجاء اخوه لحد بيتي واخذه
هذا غير اخوه الثاني توظف وكل يوم يطلب الاب توب ولا يرجعه قلت لزوجي قوله اقل شيء يرجعه للبيت اتونس انا فيه مو الاب توب حقنا وقلت له طيب الاب توب فيه خصوصيات وفي الاستديو انا حافظه اغاني وما ابي اخذ اثم احد يرد زوجي ويقولي لا ما يدخل قلت الا شوفي المحفوظات وهذا غير اشياء ثانيه رجعت انا تبت عن الاغاني ومسحتتها قلت كافي عليه ذنوبي ليه اتحمل ذنوب غيري المهم مليت انا كل يوم اطفش ولافي شيء يونسني غير النت حلالنا ويحاربونا فيه مرت الايام ودريت ان اخو زوجي الموظف مدخل خويته معهد على حسابه ومسجل بنتها بروضه على حسابه لانها مطلقه كمان ومتاكده والله من كلامي انقهرت وصرت كل يوم العصر اخذ الاب توب واروح بيت اهلي وارجع الليل لحد ما تاب
هذا غير البنات اوقات يطلبونه قدام الناس يسون استراحات وحفلات وما ادري ايش وسفريات ابوهم واشغاله كل يوم في بلد
طيب بدل هذي الخرابيط اشترو لكم جهاز في بيتكم وريحوني
لاني طلبت زوجي لاب توب جديد يشتريه لي قال ليه اشتري وذا الاب توب عندك
المهم ونجي لسالفه ثانيه
الحمدلله اذا جاء الضيف عندنا نكرمه لكن اذا كان الواحد في بيته وعنده ابوه
ولا يتشرط على ابوه ويجون يتشرطون ويطلبون على حساب زوجي في بيتهم انا انقهر تدرون ليه لانه زوجي مقصر في مصاريف البيت لانه ما عنده امكانيه ولااروح مثل المتزوجين مطاعم ومراعيته لي ابعد حدود(لكن خالته نشرت للكل انه ما يوديني مطاعم ما لها داعي تتكلم عني ابدا انصدمت لمن جت بنت وقالت لي ) وتخيلو والله اذا طلبو من ابوه يكون عشاهم مره قليل شيء وتعود عليه الله يهنيهم
هذا غير خالتة زوجي حاله استثنائيه ما تخجل ابدا لو بتكلم عنها يبغالي موضوع كامل تقول لزوجي انت استلمت الراتب هاه وين بتعشينا وايش راح تطلب لي عشاء طول الاسبوع حتى اخواتي استغربو من طبعها وقالو انتي مو ملزومه فيها لها رجال مساؤلين عنها والله ما اكذب
والله اذا عندي وزوجي مو مقصر بحقي والله انا راح اكون الكريمه في بيتي وبرا بيتي مثثل ما تريبنا في بيت ابوي
والله يحز بخاطري اخواتي المتزوجات واخواني كل مره العزيمه على احد وانا لا لانه مصاريفي انا وزوجي ما تسمح لي
مرت سنه
وربي انعم علي زوجي وفتح محل جوالات اقساط المهم زوجي قال علشان يتحسن وضعنا لاتطلبين مني جوال جديد رغم اني في بيت اهلي كل جوال ينزل اشتريه لكن اعيد واكرر مراعيته قلت له ابشر المهم اخوانه يطلبونه شيء يجيب لهم ويجون يقولون لي لانه حركه اوقات احسهم متعمدينها واهلي لحظو ذي الحركه والله امي قالت الدنيا تمشيء من قدامك ووراك وانتي ساكته
والا بعد اايام وخالته تطلب منه جوال رغم ان جوالها جديد قالها طيب ادفعي قالت اقساط قال لها لا انا ابي اترزق لانه عارف وكلنا عارفين انها ما راح تدفع
والا يجيك ولد اختها لزوجي في محله ويقوله خالتي تبي جوال وشوي الاهي تتصل على زوجي وتقوله اعطي فلانه جوال ليه وهاتي الجوال الفلاني ابيه
طبعا زوجي انحرج وعطاه رغم ان زوجي جوالاته الخاصه فيه اللي يستعملها مره قديمه انا دريت منها بعد ايام كانت تتكلم في بيت وحده قالت اختي لاتهاوشين زوجك ولا تسبيبن لنفسك مشاكل خلاص هي ما تستحي الكرامه بالشرق وهي الغرب عديتها
الا يجيني زوجي امس ويقول خالتي تبي جوال ثاني انا قلته لا ما تعطيها خير وش تبي بجوالين قال هي طلبت قلت لا لا تعطيها قال انا بنام وربي انقهر
يابنات
يعني لازم اقول واشتكي واطلع اسرار بيتي واقول انه انا مو مرتاحه
من زوجي ما يصرف زين وربي ابسط الاشياء بالمطبخ والاكل مو موجوده اكلات وربي منحرمه منها لاني اراعي وضعه
هذا غير والله بجايمي من يوم زواجي وتغير لونها و ودي اغيرها لكن اقول لا لبسي عند الناس اهم
اخواتي اذا نزلو السوق ماشاء الله يشترون كل شيء يعجبهم وانا اقول لا في مهم وفي الاهم هذا غير الجوالات اخر موديلات
اخواني مريحين زوجاتهم وربي احزن لمن اشوف كل وحده عنها مصروف الله يحميهم ويرزقهم
اهلي واخواني الحمدلله كل شيء جديد وزين عندهم وانا على قولت امي الدنيا تمشي قدامي وساكته
في ناس ما اطلع معاهم مراكز لي انه ما قدر اصرف ونجلس بطاوله وكل وحده تباشر للثانيه اوقات اذا طلعت مع اهلي اي مكان نتمشي والله ما يكون عندي اي ريال
ونفسي بشيء يابنات قالي زوجي ما قدر اشتريه لك وسكت
هذا غير اخو زوجي طلبته مره يرجع لي غرض بـ50 ريال رجعه ولا رضي يعطيني الفلوس يقول زوجي بيعوضك انقهر لانه بدل ماتروح لولد الملوينر كان اشحن فيه جوالي اللي كل شهرين اشحن بعشره فرق عن قبل
حتى اتصال النت ماخذين من جيرانا لانه ما يقدر عليه
واشياء كثير بسسسس من قهر اليوم حبيت افضفض واللي عندها اي رائي تقوله واللي بتجرحني اقولها مو مسموحــــــه
رٍوٍح آلآنِوِثِه @roh_alanothh_13
عضوة جديدة
يلزم عليك تسجيل الدخول أولًا لكتابة تعليق.
هديل محمد99
•
الله يعينك وووووبس
إن شاء الله ربنا يوسع رزق زوجك وتتهنوا.. المهم إنه زوجك يكون طيب معك وكل شي بهون إن شاء الله
الله يعينك ياقلبو ويصبرك بصراحه شي يقهر يعني هم مايستحون وانتي اللي تستحين تطلبين من زوجك تدرين مالك الا حل واحد تصيرين مثلهم اطلبي ولاعاد تهتمين معه ولا مو معه بس لين يتغير طبعه ويصير يقول لهم لا بعد.. واذا قال ليش وانتي تعرفين الوضع وكذا فهميه انه زي مايقول لك مامعه يصير يقول لهم الكلام ذا..اما خالته حكايه بصراحه هو محترمها ولا يقدر يقول لها شي مالك الا تدقينها بالكلام يمكن تحس ع دمها شوي يعني لو انه مو مقصر عليك بقول عادي خليه يعطيهم بس دام الوضع كذا ابد ماينسكت عليه واستغفري قلبو بنية الرزق وان شاء الله تتيسر امورك
الصفحة الأخيرة