صدق..مانقص مال من صدقه <<موقف حصل معايا

بسم الله الرحمن الرحيم

اخباركم ؟؟

جعلكم دوووم مبسوطين ومرتااحين بطاعة الله ورضااه

بنات حابه اقول لكم عن موقف حصل معاي بالنسبه للصدقه

في هذا الشهر وولله الحمد كان عندي مبلغ بسيط من المال كنت مدخرته عاد فكرت بيني وبين نفسي واتذكرت اننا نعرف عيله حالتها الماااديه جدا سيئه وظرووفهم صعبه جدا جدا جدا الوالده تعرفهم وتحاول انها تساعدهم باللي تقدر عليه

فقلت خليني اشترك انا واهلي في مبلغ بسيط نعطيهم اياه في هالعيد وندخل الفرح في قلوبهم لعل الله يفرجها علينا ويدخل الفرح قلووبنا وياجرنا

المهم اني قلت لاخواتي وفعلا اتحمسو للفكره وانا كنت مقرره من البداايه اني ادفع مبلغ بسيط
بعدها امي قاالت ها كم بتدفعولهم اختي اقترحت مبلغ اكثر من اللي قلته وقالت كل وحده على كيفها بس انا بدفع هالمبلغ
المهم طبعا تعرفون الشيطان شااطر وصار يوسولي ..وصرت افكر اني ماادفع اكثر من اللي قررت ادفعه وفي نفس الوقت ابي اجر اكثر مثل اخوااتي ولآآخر لحظه قبل لااطلع المبلغ قلت اعوذ بالله من الشيطاان
وتذكرت وقتها قال تعالى(قُل لَّوْ أَنتُمْ تَمْلِكُونَ خَزَآئِنَ رَحْمَةِ رَبِّي إِذًا لَّأَمْسَكْتُمْ خَشْيَةَ الإِنفَاقِ وَكَانَ الإنسَانُ قَتُورًا ) الإسراء_الآية100



وقلت استعيذي بالله من الشيطان واحتسبي الاجر ...وطبعا المبلغ بشكل عام ماكان كبير مره
وخرجت المبلغ واعطيناه العيله في يوم عرفه ..واسال الله ان يكتب لنا الأجر ويفرج همومنا ويحقق لنا مانتمناه ونحن بصحه وعافيه
وبعدها جاا عيد الحج..وفي العاده ماتجينا عيديات في هالعيد
واتفاجأت ان جدي الله يحفظه ..اعطانا أنا واخواتي نفس المبلغ اللي دفعناه للصدقه

وقتها ذكرتنا امي وقالت شفتو كيف سبحان الله عطيتو الناس وربي عطاكم

وقتها اتذكرت

ان الصدقه ماتنقص المال ..قال صلى الله عليه وسلم« مَا نَقَصَتْ صَدَقَةٌ مِنْ مَالٍ وَمَا زَادَ اللَّهُ عَبْداً بِعَفْوٍ إِلاَّ عِزًّا وَمَا تَوَاضَعَ أَحَدٌ لِلّهِ إِلاَّ رَفَعَهُ اللَّهُ »



اللهم إني أسالك حبك وحب من يحبك وحب كل عمل يقربني إليك:)
دعواتكم لي
:26: