كيفكم يا صبايا ، صدقوني مافكرت انزل هالموضوع الا عشان افيدكم وماابغى منكم الا دعوة صادقة بالستر و التوفيق و السداد و النجاح في دراستي
المهم مالكم بالطويلة
يابنات اذا بتدخلوا ملفي الشخصي بتلقوا كل مواضيعي وردودي بقسم الشعر و كمان عندي موضوع قديم نزلته الصيف اللي راح فيه قصتي مع شعري و برنامجي
هذا هو للي ماشافته
http://forum.hawaaworld.com/showthread.php?t=2515051
المهم استمريت عليه و كانت النتيجة زينة ماعليها لكن كل مادهن شعري يتساقط صحيح مو زي اول بس برضه مشكلة
ماعلينا جلست افرفر بالنت و ادور على شامبوهات ضد تساقط الشعر رغم اني جربت منها قبل ( ديركوس من فيشي ) بس قلت ماعليه اتوكل على الله و اجرب شئ جديد و طحت على شامبو كلوران لتساقط الشعر
من شركة klorane
وقلت يا بنت شوفي لك حبوب زينة و لقيت حبوب ( فوركابيل ) مكملات غذائية
و شريتهم و الحمدلله يابنات عبوة الحبوب استعملتها مدة شهر بس ووقفت والشامبو الى يومنا هذا مستمرة عليه صار لي من شعر 11 تقريبا او 12 ميلادي و انا عليه
الحمدلله الف الحمدلله معاناتي اللي بدات من عام 2006 اختفت و شعري كل ماله يطول و ينبت من قدام من جد ارتحت
باختصار هذا المشكل ( تساقط الشعر ) يبغى نفسية جامدة ، يبغى اكل متوازن و قبل لتفكري تطبقي تجربتي لازم مايكون عندك مشكل داخلي ( نقص حديد ، مشاكل غدد الخ )
و نجي لاهم نقطة للي تشك ان شعرها يطيح بسبب عين استمري على الرقية الشرعية انا يابنات بدات عام 2009 و بعد فترة من المداومة على سماعها و تلاوة القرآن شفت منام ان فيه صرصور كبيييييييييييييييير عالق بشعري و عجزت ابعده عني و كان شكل شعري بالحلم نفس شكله سابقا طويل و كثيف و المهم بالنهاية امي شالت الصرصور بصعوبة و قتلته
و الحمدلله بعد سنة تماما على المنام هذا اختفت المشكلة و رح ارجع اداوم على الرقية لانها عظيمة بجد
و كل شئ طبعا بفضل الله الحمدلله الحمدلله
و بس اللي تبغى تسال حيااها و ادعولي تكفون يا بنات و الله اني محتاجة الدعاء و بقوة
السلام عليكم
