كيفكم يا امهات
كنت من زمان ودي اكتب قصة ولادة اختي بس قلت يمكن ما تصدقون واقنعت نفسي اكتبها
الحمد لله اختي عندها ولد وبنت الله يخليهم وبعدين حملت والحمل الثالث صار ثقيل وهي بالعاده ما تهتم بحملها يعني من حيث المتابعه والاشعه وغيرها كانت اتابع في مستوصف منطقتنا ولما تروح كانت تتاكد من نبض الجنين وبس
والشهر السابع سوت اشعه وطلع فيها بنت
المهم لما جاء موعد الولاده وبعد الالام والطلق الله يهونها علينا:09: ولدت ببنتها بدون اي مشاكل :icon28:
لكن بعد 4 قايق من ولادتها وكانت الدكتوره على وشك تنظف ليها قالت اختي الى الدكتوره احس شيء بينزل قالت الها ايه عادي هذي المشيمه بس اختي كانت مجربه من قبل ولادتين فقالت الى الدكتوره احس شيء بيطلع اكبر من المشيمه ولما طالعت فيها واذا تتفاجاء تقول ليها الدكتوره
فيه ولد ثاني
وفي وسط الدهشه والالاموبعد خمس دقائق طلعت البنت الثانيه :icon28:
والدكتوره استغربت كيف حامل اختي حامل بتوم ولا تدري الى يوم ولادتها
ولما اتصلت وقالت لينا جبت توائم بنات
فرحنا طبعا وتفاجأنا وهاوشناها قلنا ليها ليش ما قلتي الينا قبل انك حامل بتوم ولما حلفت انها ما تدري ما صدقنا بس صدقنا لما شفنا الملابس والتجهيزات
كانت مجهزه سرير واحد وثياب لبنت وحده وغير كذا لما راحت المستشفى كانت حامله لبس واحد
وبالطبع اختي استفسرت كيف ممكن انا التوائم ما يبنون في السونار حتى في الشهر السابع قالت ليها الدكتوره بناتك كانوا في مشيمه وحده وكانوا متلازمين لبعض يعني متوازين لبعض في وقت عمل الاشعه
والحمد لله الحين بنات اختي كبروا الله يخليهم وطلعوا قمروعمرهم الحين 10 سنوات ومره نسخه من بعض
اتخيلوا نفسكم في هالموقف كنتي حامل بطفل واحد وبعد الولاده يطلع الثاني يقولك مفاجأه ماما
كنت متخبي وما شفتيني
المتوسله @almtoslh
محررة
يلزم عليك تسجيل الدخول أولًا لكتابة تعليق.
شامخة الذات
•
:)ولله في خلقة شوؤن الله يحفظ لها بناتها وشوفهم عرايس يارب
الصفحة الأخيرة