السلااااااام عليكم ورحمة الله وبركاته
امس زارتني صديقتي مدرسه
وتسولف لي عن مدرسات اثنين معها في المدرسه تقول صداقهتن في بعض قويه قويه قويه لابعد حد
اكثر من خوات لدرجة ان اسرارهم عند بعض
وحده منهم زوجها مزيون
واثانيه الله يستر عليه موب مزيون
تخيلوا ان زوجت الرجال اللي موب مزيون لفت على زوج صديقتها وطلبت الطلاق من زوجها وبعد طلاقها بشهر خطبها ولانها في العده ماقدر يملك عليها
وعطاها مهرها وجهز لها البيت وبعد ماطلعت من العده على طول زفها
طبعا زفها الخميس اللي فات
زوجته المسكينه قالت له بقعد على عيالي ولاتشوفك عيني
وكتبت هذي القصيده
حبيت اهديلك عبارات وورود
وبطاقة من دم قلبي حزينه
مضمونها مبروك بصوت وزغرود
مبروك ياالي الحبيبه يهينه
وان سال دمع العين وحرق لي خدود
والله لعميها عيون تعينه
واعمي معاهاالروح وان كان به زود
كل الحنايا وخافقي من ضنينه
مشيت وياكم على كل طارود
واخلصت لناس للخيانه عوينه
وفيت كم وفيت طبعي على الجود
ولا كنت اصدق واشي شوف عينه
يابنت (فلان) ترى الرب موجود
ياالخاينه ياالسافله يا اللعينه
صداقتي وياك عمرا بلا حدود
واليوم خنتيني وطبعك ذهينه
لي حوبتا عند الولي منشي الرعود
عسى فرحكم ينقلب شين زينه
وعساها ليلتكم عناوينها سود
ودرب السعاده مخالفا عن جبينه
ويا عل تلقاها على زهد والحود
وتعيش معها بالحياة المشينه
وبكل عين وقحه تقول لزميلاتها المدرسات لما قالوا لها قلة الرجال مااخذتي غير زوج صديقتك
قالت مزيون وابي يجوني عيال مزاين بدال اعيالي اللي طلعوا على ابوهم >>استغفر الله ماتخاف ربي مايرزقها والا يرزقها عيال معاقين
قلت لصديقتي انا لو بمكانك اطلب نقل من المدرسه لان هذي مالها امان يمكن بكرا تمل من زوجها وتدور لها صديه ثانيه :06:
الزبده يا بنات انا نزلت الموضوع عشان تعرفن مافي صداقه في هالزمن
اعز صديقاتها خانتها
وبصراحه المفروض الوحده فينا ماتعطي الثقه الزايده لصديقتها
والخاينه ذكرتني بالهام الفضاله في مسلسل ازوارة خميس
![][شموخ إنسآنه][](https://cdn.hawaaworld.com/images/user_avatar.png){kind=avatar}
][شموخ إنسآنه][ @shmokh_ansanh_3
محررة فضية
يلزم عليك تسجيل الدخول أولًا لكتابة تعليق.
((حنان الحلوه))
•
up
والله هالزمن مافى امان حتى امس قريت قصة لأحد الاخوات معنا بالمنتدى وخيانة اختها مع زوجها لا حول ولا قوة الا بالله هالزمن بيخوف
الصفحة الأخيرة