بسم الله الرحمن الرحيم
بلا طولة سيرة محدثتكم انسانة عشرة وتحب الناس والله يشهد اني (طبعا قبل مايصير الا صار ) مااسئ الظن بااحد بس والله اني انصدمت صدمة في ناس كنت اعتبرهم اقرب الناس لدرجة اني اعتبرهم مثل الأخوات واعز :06:
انا اكتب لكم وانا متضايقة حيل ولي اكثر من شهر الموضوع يدور في راسي لدرجة احس صرت حقودة والله من القهر
طبعا بتقولون وين القصة
القصة كالأتي
امي الوحيدة الموجودة في نفس منطقة خوالي وباقي خالاتي اللي برا المنطقة او خارج السعودية بالمرة المهم تزوجوا خوالي الصغار وهم 2 وسكنوا جنبنا وهالكلام من 10 سنين واحد مرته اهلها معرفة والثاني بنت عمه المهم طبعا فرحنا بزواجهم كثير لانا بعدين عن خالاتي طبعا اعتبرناهم خوات كل شوي وهم عندنا وماكانوا يعزمونا في بيوتهم لازم حنا نقول بنجيكم طبعا لازم انواع التحجج طالعين عندنا موعد والله يشهد في هذه الساعة ماعمري شلت عليهم حتى امي
طبعا مستحيل احد يجينا الا ويكونون موجودين مرة تقولين مسمار جحا وترا احنا اللي ناديهم معتبرينهم خوات حتى خالاتي صاروا يتضايقون تخيلوا مايجونا الا في السنة حسنة يجون ركض يسلمون عليهم بس مستحيل تجي الوحدة شايلة في يدها شي ولا حتى يقولون تفضلوا فنجال قهوة على قولت خالاتي والله ماحنب ميتين جوع بس تقدير
صراحة خوالي عسللللللللللل ويحبون امي صحيح اللي اخذ بنت عمة شوي تغير اما الثاني لا والله ضليمته شينة المهم حنا ولله الحمد مرتاحين ماديا ماشاءالله لا قوة الا بالله بالنسبة لاهاليهم لانهم كلهم اهليهم ناس بسيطين المهم كان السواق تحت امرهم وكانوا يتنحتون لنا بس تونا نفطن لها الشي وكنا نحسبهم عادي مثلا يقولون (والله لومكانك يافلانه اني اسوي واسوي رجلك مايقول شي وعندك سواق ولا يقولون ماشاء الله ) ابوي اسم الله عليه طيب وامي تستاهل يعني بالصراحة امي عندها فلوس وهي تصرف على البيت تقريبا كل شي وابوي ماعلية بس يعني عندة ديون من هالكلام عاد هم يحسبون كل شي ابوي يجييبة المهم اذا جوا خالاتي ينامون عندنا كم يوم يعني عشان السهرة لا بيت جدتي يمتلي بالشباب والحريم عندنا واناديهم يسهرون معنا ومرة وحدة فيهم تسأل يالله شلون ابوك مايتضايق من وجود خالاتك ولا قالت ماشاء الله وبعد فترة لاحظت اهتمامها بالسلام على ابوي وهنا تجي الصدمة ...احس اني بصيح :06:طلعت تخطط تاخذ ابوي لاختها تخيلوا وحنامعتبرينها اخت حسبي الله ونعم الوكيل
المهم بعد زواج واحد من خوالي واخذ وحدة تقرب لوحدة منهم تغيروا وسوو لهم حزب يتعازمون لحالهم ماينادونا كيفهم بس المشكلة يتشرهون مرة امي سوت عزيمة بس خوالها تخيلي خالي يسأل ورا ماعزمتوا ام فلان ام مرته ضحكت خالتي وقالت هذا جمعة عائلية يعني لازم يدخلون انفسهم في كل شي سبحان الله بعض الحريم جيتها مافيها بركة هذي وهي توها عروس قلبتهم كلهم والله الشاهد على كل اللي قلته اول لما كان عندنا سواق اي مكان بتروح امي توجب احد تدق عليهم الحين يروحون لناس ولا يقولون لمي والله ماهمنا بس حز في خاطري يعني يوم ماعاد لهم حاجة كنسلونا اول اذا ولدوطرنا لأحسن المحلات الحلويات والفطاير وجبنا انواع القهاوي بس ماينفع فيهم تصدقون ولدت خالتي بعد وحدة فيهم وكانت مقهويتها عاد خالتي هذي مومن كثر جياتها بس عشان اخوها ضغطت على نفسها وجت بالحلويات والقهاوي والله لما ولدت حتى اتصال مادقت تبارك تحلف تقول والله ماقلت لها شي ماادري وش فيها علي وعلى فكرة كانوا يتهزون فينا بطريقة مزح برزح والله كنا ناخذها بصدر رحب لكن قبل فترة كنا مسوين حفلة كبيرة في بيتنا لوحدة من قرايبنا المهم والله صدق انصدمنا فيهم تخيلوا وجيهم متقلبة ماادري وش فيهم والله ماحد قالهم شي وجلسوا كنهم ضيوف تفشلنا حنا متعودين عادي معهم نروح نشتغل وهم يصبون تخيلوا خالتي كبيرة في السن قامت تصب وهم قاعدين وقامت وحدة بنت من الضيوف حلفت على خالتي وصبت فشلللللللللة المهم جا العشاء وعيونهم طايرة طبعا اكيد الضيوف قبل وعادي هو اصلا بوفية كل وحدة تغرف المهم وحدة منهم وقفت العالم خذوا وهي تطالع المهم بعدين جت قدام الضيوف وبصوت عالي مالقيت صحن على طول طرنا وعطيناها يعني هي من اهل البيت مايحتاج تروح المطبخ وتاخذ اصلا كنا قبل يومين عندها عشا وهي توها ساكنة بيتها وماكملت اغراضها وطلبت منا شنطة الملاعق الطقم ونرسل السواق يجيبها وكنا مسوين في بيتنا سلطات وحلويات على اساس العشاء عندنا وبعدين تحول عندها وجيناكم نركض بشغلنا وكان فيه ضيوف اغراب حتى كثر الله خيركم ماقالت ولا الله يعافيكم ويوم جا عشانا كنها ضيفة
المهم انا قررنا اننا نصير معهم رسمين وخلاص بلاش موانه محد يستحق احس كلامي غير مرتب بس صدق انصدمت عشرت 10 سنوات يعني من كنت في المتوسط تخيلو تغيروا تغير فضيييييييييييع
علامو علامو @aalamo_aalamo
محررة فضية
يلزم عليك تسجيل الدخول أولًا لكتابة تعليق.
خوخة77
•
ولله في خلقه شؤون
فيه ناس سبحان الله مهما تكونين طيبه معهم الا غصب يركبونك الغلط
رايي انكم تصيرون رسميين معهم الى اقصى حد
عشان تامنون شرهم
واقرأوا على انفسكم كل ماالتقيتوا معهم
((ان اكرمت الكريم ملكته وان اكرمت الئيم تمردا))
رايي انكم تصيرون رسميين معهم الى اقصى حد
عشان تامنون شرهم
واقرأوا على انفسكم كل ماالتقيتوا معهم
((ان اكرمت الكريم ملكته وان اكرمت الئيم تمردا))
مشكورين حبيباتي بس والله ماكتبت الا من الحرة اللي فيني ولا امي تقول عادي الله يستر علينا وعليهم بس من جد استغلوا امي استغلال موطبيعي مااقول الا الله يكفينا شر من فيه شر
الصفحة الأخيرة