صدمة عمري رصيد زوجي

يا بنات انا جدا متضايقه زوجي من يوم اخذته انسان مديون وكل مااطلبه شي ماعنده يدوب يعطيني مصروف لي وعيالي مايعطيهم واضطر اصرفهم من مصروفي وأحيانا اتدين قبل فتره طلبني انشط صرافتي لان الحساب حقي مجمد من زمان يقول ابغى اجمع عشان البيت الملك وانا على وشك تقاعد لما جيت ابغى انشط بطاقتي قالي خلاص بلاش المهم لي كم يوم ملازمه الحوقله وكنت أفتش جيوب زوجي حقت ملابسه عشان اغسلها لقيت ورقه كشف رصيد وبالعاده انا ما ادقق بالاوراق حقته ولاتهمني مدري ايش خلاني ادقق بالورقه لقيت مكتوب ان رصيده ٣٥٠ الف تخيلووو وفيه بالورقه رقم البطاقه انتظرت لين جاء ونام ورحت اخذت بطاقاته من جيبه لقيت بطاقتين وحده الصرافه القديمه ووحده جديده نفس رقم البطاقه اللي بالورقه والبطاقه بإسمه وسكت ماتكلمت كأني ماشفت شي بس شلت ورقة استعلام الرصيد عندي قلت يمكن فعلا يجمع للبيت الملك بس من وينله هالمبلغ كله البطاقه جدييييده والاستعلام عن الرصيد تو قبل اسبوع يعني تو صار معاه فلوس ومشتري جوال ب 3200 وقلتله غريبه من وينلك مبلغ الجوال قال اخوي اشتراه لي عنده خير ماشاء الله انا هذا كله مازعلني اللي قهرني توي طلبته ١٠٠ ريال مطفره قال والله اني عارف وانتي ماتحسين والرواتب لسى باقيلها وانا ماعندي غير الغنم ابيعهابغيت انفجر بس مسكت نفسي ذحين انا في حيره بين اني اوجهه أو اسكت واخاف اذا واجهته يدس الاوراق ويأخذ حذره واذا سكت مت قهر لانه ناقصني اشياء كثيره ابسطها اثاث بيتي قديم ومن وينله هالمبلغ تكفوووون ياحكيمات ابغى رأيكم