صدمة ما اقدر اوصفها

بنات مالي غيركم بعد ربي ، انا متزوجة من ١٠ شهور تقليدي وبحكم اختلاط عمله كنت اغار عليه كثير واحيانا صرت اشك لان كانت بعض تصرفاته تشككني فيه خصوصا بعد ما شفت وحدة تقول له تغيرت والثانية تسولفه باموره الشخصية بعدوأحد اخواته قالت لي صيري له كل شي ووو كلام خلتني اشك اني مو مالية عينه ولا شي ، ومو متعودة احد من اهلي يشتغلوا بمكان مختلط ويكلموا بنات بحكم العمل ، المهم بنات مروا كم شهر طبعا ع قلة وعيي و ع عناده ولاني جديدة بالزواج كل ما انصحه او اغار عليه يعاند واكتشفته فضفض لزميلاته عني هنا ما صدقت اللي حاصل ، طبعا معظم الشباب والبنات الحين مروا بعلاقات قبل الزواج انا مريت بعلاقة حب وانتهت والثانية زميل لي بنفس التخصص اتشاركنا بمشروع وهو من دولة ثانية فقط نتواصل الكتروني ، ي بنات والله تركت هالزميل حتى لو ما بيننا شي فقط عشان اني تزوجت وحرام اكلمه من ورا زوجي بس ضليت اراقب زوجي حسيته متغير واكثر من مرة اكشفه يفضفض لزميلات العمل عني😭بعدها م تحملت قلت خلاص هو كذا اذا انا بسوي كذا خبرت امي وكم صديقة لي ورسلت لزميلي وخبرته باللي حاصل ، وبيوم كشفني زوجي ، وطردني لبيت اهلي وقال نتفاهم بعد شهر ، قال هالبنت فضحتني عند صديقاتها وجلس يلمح اني خاينة واني كلمت زميل مع ان والله ما كان بيننا شي ، وقلت لهم هو فضحني قبل ولكن انكر ،المهم اهلي رجعونا لبعض بس كنت مو راضية خلاص ولا زوجي حسيته يبي، والزميل حذفت حسابه ، المهم من وقتها وزوجي متغير ومن عرف ان لي علاقة قبل يجلس يعايرني مرات بطريقة غير مباشرة مع ان ماضي وانتهى والاغلب له ماضي ، تخيلوا حتى وقفت شكاوي انا صرت اشكي لامي بس الله يهديها حسيت تخبر الاهل ومدري كيف توصل الاخبار لزوجي ، المهم بنات من وقتها زوجي مش هو اللي قبل ولكن مرات يتحسن ومرات ينقلب فجأة ، بس انا اعتذرت له وتحسن من نواحي كثير بس احسه ما يتقبل من كل قلبه يهييني بكلام ومو عاجبه شكلي مع اني جميلة ويقارنني وانا متاكدة😭ولما اتكلم على نياتي يفهمني غلط واحيانا يدور الزلة ، انا توظفت من شهر معلمة باحدى المدارس اللي منصدمة منه ان طول هالشهور ينقل كل كلامي وافعالي لاهله😭 يقصدوني بكلام ويلمحوا ان يعرفوا كل شي ، ومن توظفت بهالمدرسة تخيلوا المعلمات يعرفوا كل شي وصارت منطقتنا تعرف كل سوالفي مع زوجي يا ريت العيوب وبس لا كل شي😭 وكل ما اتصل بمكان اقدم بوظيفة ما حد يرد علي ، في احد جالس يدبر لي مكائد اعوذ بالله والله انصدم حتى الطلاب الصغار مثلا اسوي شي او اقول شي لزوجي او لحالي اليوم الثاني كل حد عارف ويقلدوني بطريقة غير مباشرة في طالبة صغيرة سالتها ليش تسوي كذا قالت امها قالت لها سوي للمعلمة الفلانية كذا😭 مستغربة ليش يسوي كذا كيف اهون عليه😭حتى العامل تبع العمارة مثلا انا ما نظفت الصالة زين لما ارجع وقت الدوام يسوي حركات كانه يعلمني و دايما كل م اجي العمارة يدخل احد الشباب بنفس وقت ونظرات غريبة وصارت تجيني ع حسابي انستقرام اضافات غريبة ، صاير زوجي كانه مو مقتنع فيني او كانه مدري يبي يتخلص مني او مدري ايش بالضبط😭والله ي بنات شعور فظيع وعدم احساس بالامان والله مو قادرة اشكي لاهي ولا صديقاتي لاني اريد احافظ ع اسرارنا واريد زواجنا وحبنا يستمر ، وموضوع جوالي مراقب حسيت كل شي يوصله بدلائل كثيرة 😭 وكل الارقام لما ارسل لاحد متغيرين علي😭 كل شي بنات حتى كلامنا الخاص صار يوصل للناس والله تخيلوا كل يوم اروح اداوم مبسوطة وارجع مقهورة وخايفة ، حسبنا الله ونعم الوكيل ، اي مزحة اي كلام عفوي وعلى نيتي احسه يرد بالمثل مع ان والله ما فيه شي بس هو صاير ما يتقبل كل شي ، ي بنات احبه والله وتعلقت فيه اكثر 😭وما ابي اخسره، فيه صفات كثير حلوة ، وخلاص هو زوجي يعني حب حياتي ، مدري ايش الحل والله صرت ادعي اكثر هالايام بس بعد هالفضائح وهذه الصدمات ما اعرف ايش اقول😭مو قادرة افضفض لاحد ومالي نفس ، اتمنى بس يتغير للافضل لان تعبت من هالوضع والله احاول ارضيه بكل شي ، الله يالف بيننا يا رب😞