صدمة من حبيب وجعت قلبك.... شاركونا بموافقكم يامصدومات

السلام عليكم ورحمتة الله وبركاته ......
يا اختي اللي بيعيش بهالدنيا يا ماله من الصدمات بس اللي علينا احنا انه نكون اقوياء ونمرر هالمواقف وخصوصا اذا اللي جرحك اختك او اخوك .....

انا طيبتي مالها حدود لدرجة الغباء لدرجة ان الاسبوع اللي طاف اختي اللي من امي وابوي كلمتها وقلت لها بجيك تعرفين شنو ردت علي قالت لي عزي نفسج ببيتج انا ما ابغاك تجيني لا انتي ولا بنتك قلت عسى المانع خير ردت وقالت ما جاني منك كفايه واعيالي ما ابغاهم يتكيسلون بدراستهم عشانك انتي وبنتك وانا ولا كلمه تكلمت معاها عادي لانها اختي الكبيره مع العلم انها من قبل تقولي لا تجين بس انا ما ابغى هالقطيعه ....

السالفه اللي عشانها قالت لي هالكلام انها ولدت وطبيعي تنام بالمستشفى يومين وزوجها عنده دوام بالليل ويرجع الصبح عاد انا قلت ان حرام بناتها الاربع يقعدون بالبيت لحالهم راح اقعد معاهم واعاونهم على دراستهم وبالفعل قمت اسبح هذي وادرس هذي والبس واسوي شعورهم وكل هذا على حساب بيتي وزوجي لدرجة تهاوشت مع زوجي وعاندته ورحت لعيال اختي وانا عندي بنتي عمرها 5 سنوات وشي طبيعي راح تتخانق مع بنت اختي اللي بنفس سنها يعني شيطانة اليهال اللي احنا متعلمين عليها هذي خذت لعبتي وهذي ما تكلمني وصراخ وبنتي مع بنت اختي غافلونا وشمخو سيارة زوج اختي طيب هذولي اطفال ما عليهم لوم ومن هالكلام وانا خليت بنت اختي الكبيره بثالث ثانوي تقفل عليها الباب وتدرس وانا اخذت البنات ال3 ونزلت معاهم العبهم <<<<<<< بالاخير يوم طلعت اختي من المستشفى قامت تحاسب بنتها الكبيره ليش مادرستي وليش ما تابعتي ادوية اختك اللي معاها الربو ومن هالكلام تفاجأت ببنات اختي يتهموني اني انا سببت لهم فوضى وخليت بنتي تعفس عليهم وما تخليهم يذاكرون ((( مع العلم اني درستهم كلهم وما خليتهم يحتاجون شي )))شفتو هذا اختي من امي وابوي تقولي انا بناتي موعبيدلك ولبنتك وبيتي يتعذرلك ومن هالكلام اللي يسم البدن عاد انا قلت ان اللي علي سويته وضغطت على نفسي عشانها بس اختي ما تبغاني وانا ما حاولت اني ادخل معاها بالهواش قلت بكتفي بالاتصالات معاها بس بيتها ما راح ادخله لانها اكثر من مره قالت بيتي يتعذرك والواحد مهمن كان عنده كرامه حتى مع اقرب الناس له .....

وما اخفيك اني يومها بكيت من كل قلبي وتاثرت نفسيتي بس بالنهايه هذي اختي ما اقدر اقطعها وانا عندي مبدأ (( عامل الناس كما تحب ان يعاملوك مهمن صار منهم اذيه بحقي )))

وانتي يا اختي شنو سالفتك اللي خلتك موجوعه ؟؟؟؟؟؟؟؟

8
8
8
8
عورني قلبي عليك ياقذو الله يسامح اختك ويرد لك حقك ويعرفها قيمتك ...
بجد الجرح من الاخوان ياكبره بالقلب وما الومك لو انا للحين اصيح ........

اما عن جروحي انجرحت كثير والسبب طيبتي الي البعض يعتبرها ضعف مني بس ما اقول إلا الله يسامحهم كلهم وما ابي اذكر سوالفهم علشان ما افتح الجروح ...........

اكبر صدمة بحياتي يوم ما عرفت ان دموعي تهون على اغلى الناس وان الجفا والقسوة طلعت موجودة في داخله للاسف
بعد ما كنت احسب انه هو عوضي عن اللي ذقته بالدنيا وما لي غيره طلع ما تهزه دموعي للاسسسسسسسسسسسسسف...

هذه سنه الحياه والوحده لازم تتحمل وتصبر على اذى الناس لها خصوصا لما يكونون قريبين منها وبنفس الوقت تحاول انها ما تضايقهم ولا تثقل عليهم لانه ممكن يكون اذيتهم عن غير قصد او عندهم مشكله او......الخ التمس لاخيك سبعين عذرا
ورسول الله صلى الله عليه وسلم تعرض للاذى من قرابته اكثر من غيرهم ومع ذالك صبر عليهم
صحيح ان الصدمه من القريب يكون وجعها اشد على النفس ولكن
يمكن تجاوزها وطيها في زمن الماضي ونسيانها
والله لايضيع اجر احد {من يعمل مثقال ذره خير ا يره}

من معزتهم اللي صدومني ماأقدر أكتب عنهم شي

واضح ياقذو أن بنات أختك سبب المشكلة الله ييسر أمرك

وايضا المفروض إنك سمعتي كلام زوجك وجلستي ببيتك أبرك لك ...