mim000 @mim000

محررة فضية

صدمتك الرسايل اللي بجوال زوجك ؟؟؟ تعالي اريحك من هالشعور ..

بنات .. كلنا انصدمنا بالرسايل اللي بجوالات ازواجنا .. وكلنا المتنا صور الحريم اشكال الوان بصندوق الوارد والصادر والمسودات والمحفوظات وكل مكان..

كلنا ماتوقعنا انهم يطالعون حريم غيرنا - بحكم تقاليدنا-
لكننا انصدمنا بالواقع وهالرسايل المجانية كشفت المستور وبدال ماكان واحد منهم يحملها من النت ثم يوريهم بدون ماينقلها من جواله اصبح الحين يرسلها للقائمة كلها بدون تردد...

بس بنات تعالوا .. بسألكم سؤال :

وش سبب الضيقة .. والكدر ؟؟؟

هي واحد من اثنين :
1- الغيرة وهذي طبع فينا ما نقدر نغير وهو من طبيعة المراة .. لكن الغيرة من مين ؟؟؟ من هذي الاشكال الخايسة اللي تطيح صورتها بكل يد وتطالعها كل اشكال العيون وتتقاذفها الايدي من مكان لمكان مثل الكورة؟؟؟
بنات تطمنوا ترى الرجل بطبعه ما يحب المراة الزبالة .. اللي مالها قيمة ..مهما كان جمالهم ومهما بينوا انبهارهم بهم ..
ولو تمنوها بيتمنونها لمجرد المتعة وبعدها يرمونها .. وش تغارين منه ؟؟؟ من زبالة ؟؟؟ معقول ؟؟
لا يابنات كبروا عقولكم .. وسيطروا على غيرتكم ولا تعذبون نفوسكم لان الموضوع منتهي والمقارنة حاصلة بين جوهرة مصونه واامراة مكرمة بنت حسب ونسب وتخاف الله وبين وحده زباله رضيت كل خلق الله يكشفون عورتها ويطالعون خصوصياتها ورضيت يوقع عليها الذباب وياخذ منها ثم يطير ويتركها هي وريحتها الخايسة

حبيبتي المقارنة هنا غير عادلة ابدا وكفتك رااااجحة بكل المقاييييس

2- السبب الثاني للضيقة قد يكون صدمتك في زوجك انه يطالع حريم غيرك مهما كانوا حلوين او شينين ..
وهنا خليني اكلمك عن الواقع واقولك ان الرجل يحب يطالع اي شيء يطيح بيده ممكن يعجبه وممكن ما يعني له شي

وسؤالي : ليــــــه تكدرين عمرك وكأنك انتي المخطئة ؟؟؟

حبيبتي خليه .. اتركيه .. لاتراقبينه ولا تحاسبينه .. بتقولين ليه ؟؟ اقولك لان مراقبته ومحاسبته على رب العالمين
اللي يعلم اشياء انتي ما تعلمينها ويشوف كل شيء ..

حياتي .. كل شيء مسجل بالصحائف: ان خير فخير - وان شر فشر

ليه العذاب ؟؟

ليه الحزن؟؟
ليه نتعب نفوسنا ؟؟؟

كم وحده بعد ما شافت الرسالة بجوال زوجها فزت وقامت تطالع عمرها بالمراية وتتساءل وش فيها زود؟؟؟
ليه ليه ليه تقارنين عمرك فيها ؟؟

انتي احلى برسمة ملامحك اللي اختارها لك رب العالمين
انتي احلى بهالعيون اللي ما شافت الحرام .. واللي تدمع بنص الليل من خشية الله
انتي احلى بهالشعر .. اسود .. احمرر .. اصفر .. بني .. ان شاء الله ابيض .. انتي احلى لانك صاينته عن عيون الغرب
انتي احلى بهالاخلاق اللي انفردتي بها ..
احلى بهالبسمة اللي تجنن بلد بحاله ..
احلى مثل ما انتي ... حلوة وحلوة وحلوة وتهبلين
ليه تنقصين نفسك ..
مو الله اللي خقلك في احسن تقويم ؟؟ والا تنكرين ؟؟؟
مو الله اللي عطاك وما حرمك.....
طالعي في نفسك وقولي لي وش فيك من عيب ؟؟؟

لا تحاولين مافيه ولاعيب بس انتي منقصة من عمرك وظالمة نفسك ..
والا وش حلاتك يوم تكشخين وتحطين هالكحل واروج الخفيف وتلفحين الشعر على الكتف
يووووووووووووووووه وش هالجماااال

يالله بنات اصحوا وشوفوا نفوسكم على حقيقتها ولا تخلون رسالة جوال تهز ثقتكم بنفوسكم

لا تقولون ما شفتي هالرسايل واكيد هالكلام لان قلبك ماانحرق مثلنا .. اقولكم وربي وربي اني وقت صلاة العشاء اليوم نسى زوجي جواله وشفت فيه شيء ما ينصبر عليه
بس تعوذت من الشيطان ولا اهتزيت ابد لاني عارفة ان كل هذيك الوجوه ماتعني لزوجي شيء وينسااااها اذا شاااافني >>>>وش هالثقة

يالله بنات خلاص كدر .. قوموا غيروا جو وفرفشوا ولا تنكدون على نفوسكم وعلى ازواجكم .. خلوهم حسابهم على الله ... مو عليكم والا لو عليكم كان قلت يحق لكم تشيلوةا الهم

اسأل الله ان يصلح الحال ويهدي رجالنا ويرزقهم غض البصر عما لا يحل

هاااااه ان شاء الله النفسيات الحين احسن ؟؟؟:42:

طمنوني :26:

يلزم عليك تسجيل الدخول أولًا لكتابة تعليق.

تسجيل دخول

lazourdee • 14 سنة

جزاك الله خير

عبيــــر الــــورد • 14 سنة

ماشاء الله عليك

والله إنك صاادقة

الله يوفقك ويسعدك ويجزااك بكل خير ياارب

والله يسخر كل زوج لزوجته ولا يشوف غيرها ويبعد عنه الحرام ويكرهه في المعاصي يااارب العالميـن

احلا زهرتين • 14 سنة

عبيــــر الــــورد :

ماشاء الله عليك والله إنك صاادقة الله يوفقك ويسعدك ويجزااك بكل خير ياارب والله يسخر كل زوج لزوجته ولا يشوف غيرها ويبعد عنه الحرام ويكرهه في المعاصي يااارب العالميـن

ماشاء الله عليك والله إنك صاادقة الله يوفقك ويسعدك ويجزااك بكل خير ياارب والله يسخر كل...

دلوعه بس عاقله • 14 سنة

تسلمييييييييييييييييييييييييين ياقلبي عالكلام الطيب وربي يوفقك وين مارحتي .......

الدرة 20 • 14 سنة

عبيــــر الــــورد :

ماشاء الله عليك والله إنك صاادقة الله يوفقك ويسعدك ويجزااك بكل خير ياارب والله يسخر كل زوج لزوجته ولا يشوف غيرها ويبعد عنه الحرام ويكرهه في المعاصي يااارب العالميـن

ماشاء الله عليك والله إنك صاادقة الله يوفقك ويسعدك ويجزااك بكل خير ياارب والله يسخر كل...