صدمتني الدكتوره ...تكفون احتاجكم بعد الله

السلام عليكم ورحمة الله وبركاته
والله يابنات موقادره اكتب ابد بس اعذروني جايه من الدكتوره
المهم سبق وكتبت لكم مشكلتي مع الدوره وانها طولت لها 11 يوم معاي وغزيره مررره
وانا مو منتظمه معي ابد
المهم رحت لدكتوره الاستشاريه لبنى في المشاري
المهم وقلت لها انا الدوره ....................الخ
بسرعه بدون شي قالت عملية تنظيف قلت طيب كيذا بدون اشعه او تحليل قالت تبين اشعه قلت ايوه وابي تحليل دم قالت طيب ورحت حللت الدم وكمان الاشعه بعد ماشربت 3 مويا ابو ريال
المهم دخلت عليها بعدساعه وطلعت الاشعه بس وقلت ها بشري قالت تكيس قلت وش قالت تكيس يالوتس تكيس قلت وش يعني مو فاهمه ولا شي قالت حنالف كتب قلت مولازم بس هي عباره عن وش يعني الياف او ايش قالت لاهو عباره عن تجمع للبويضات ومحجوزه ماتطلع وهو ياخر الحمل او يعدمه ويلعب في الدوره
قلت والحل قالت عملية المنظار قلت ليش مافيه حل ثاني قالت فيه حلول بس ماتنفع ابد
وتضايقت وقفلت الدنيا بوجهي حتى كان عندي مشوار وناسه وكنسلت قلت مالي بد الله غير خواتي استشيرهم في المنتدى
هاه وش قولكم اسوي
انا استنى ليوم السبت وابي افتح ملف في المملكه عند ميره ابو راوي
وابدا من جديد اشعه وتحاليل
وراح اصلي الاستخاره بعد مااطهر ان شاء الله واشوف

تنصحون بالعمليه
مع العلم حملت قبل ثلاث سنين والحمد لله وبعد سنه كمان حملت وسقطت وعادي الحياه تمشي
احس بخوف فضيع وبس ارجف
الله يخليكم ساعدوني باي حل وارفعو موضوعي لفوق
وبنتي اذا سويت العمليه وين اوديها ماعرف احد وماعندي احد تعبت
تكفون تكفون طالبتكم لو رفعونه فوق
الله يجزاكم الجنه