صدمتني صديقتي

السلام عليكم ورحمة الله وبركاته انا بدخل في الموضوع مباشره وابي منكم تحكمون على الموقف بصراحه لاني تعبت جدددددددا من التفكير وابي احد يريحني ويقولي انا صح ولاغلط المهم انا حظي في الزواج شبه معدوم الحمدالله على كل حال انا كل ما انخطبت مايتم امري لاي سبب كان تقدموا لي الكثير بس مايصير نصيب المهم انتشر مره خطبتي واعلانها للناس مجرد خطبه وبعد فتره تفركشت وتحطمت وسمعت كلام كثير قلت خلاص والله ما اعلم احد حتى املك و يصير كل شي رسمي واتبع حديث الرسول صلى الله عليه وسلم اقضوا حوائجكم بلكتمان او كما قال الرسول عليه السلام وانخطبت وتم امري وملكت وكلمت صديقتي وخبرتها انصدمت وتغير صوتها قالت يالله انا مشغوله وقفلت اتصل عليها ماترد وصرت اسال عنها من وراها ودريت انها غيرت رقمها لهدرجه خبري عليها ضايقه كنت اظنها بتفرحلي عشانها تعلم بظروفي وعلى فكره انا والله العظيم قبل ما املك قلتلها ترى انا ما بقولك عن خطبتي شي الا اذا ملكت وضحت لها الاسباب واقتنعت وقالت عادي اللي تسوينه هو الصح وزين انك خبرتيني قبل يصير شي عشان اعذرك حتى قلتلها اذا انخطبتي لاتقوليلي الا اذا ملكتي وانا والله ما ازعل واكيد كل وحده تبي يتم امرها بس يوم خبرتها عني انقلبت 180 درجه والله ما دري انا غلطانه او هي غلطانه هي صح وقفت معي في ظروفي وانا ما انساها لها بس ماتوقعتها بتنسى العشره وانا ما سكت الا عشان تعقدت من كثر ما انخطب وما يتم امري وتبداء الاسئله ليش وش سبب منه ولا منها قلت اجرب ذي المره واسكت حتى اتعب اذا استشرت احد عن خطبه مثلا كل وحده تعطيني راي الين اتشتت قلت الافضل ا طلب الله هو اللي بيختارلي انا والله مانسيتها حتى بعض الاحيان اذا فكرت فيها كثير احلم فيها تكفوووووون ريحوني وقالوا مين الغلطان منا والله يجزاكم خير