صدمتني يابو عامر

مساك الله بالخير يا ام عامر
وانا اذا تسمحين لي واعتذر ان كان كلامي قاسي عليك شوي بس والله الهدف منه مصلحتك وياليت تعتبرينه كلام من اخت تحبك بالله مو من وحده ناقده لمجرد النقد لا سمح الله ..
انا اقولك انك اخطيتي وهذا مو معناه انه هو ماغلط هو غلطااان من راسه لساسه بس انتي عالجتي الغلط بغلط تدرين ليه.؟؟؟ لانه رجل مو واحد من اصغر اخوانك انتي هاجمتيه وتدخلتي في خصوصياته وحسستيه انه مراقب وانك تتجسسين عليه وغلطتي لما مسحتي الصور من نفسك كذا والدرب وانا ارجع واقول انه غلطان وانا ما الومك بس بودي انك تصرفتي تصرف اكثر حكمه وتعقل تخلينه يخجل من نفسه صدق.. يعني لو مثلا خليتي الصوره على الشاشه وكبتي له نوته صغيره ولصقتيها جنبها وقلتي مثلا مثلا (( الله يسامحك انا كنت اتمنى انك تكون تحفظني بالغيب زي ما احفظلك نفسي وولدي وبيتك بالغيب ...)) انا احس انه بعدها راح يجي يحب على راسك ويعتذر ولا يكررها بس تدرين انتي وش سويتي الحين


خليتها مسألة عناد وهو رد على الصراخ بالصراخ من منطلق قابل الصراخ بالصرااخ تسلم والدليل انه استحى من انك شفتي هذي الصور بس طبيعته كرجل ماخلته يقولك اسف واخطيت مثلنا يالحريم ياعيني علينا لا صار العكس وصار يهاوشك وقلبها عليك .. والحين بعد كل اللي صار انا اقترح عليكي انتم توكم باول حياتكم 3 سنين مو شي لا تخلين الفجوه تكبر وترى مابين الرجل وزوجته كرامه خاصة اذا كان يحبك ويراعي الله فيكي وخليكي زوجه وفيه وعاقله واعقل منه بعد واكسبيه بالطيب البسي وتمكيجي وتعطري وروحي له وقوليله انت الغالي ومالي غنى عنك ومن هالكلام وبعدها اذا اخذ وعطى معك قولي له باسلوب عتاب لطيف مو بجلافه انتبهي ترى راح ينفر قولي له اللي بخاطرك وخليه يوعدك انه مايتكرر هذا الشي بس باسلوب بعد يعني مو بصيغة الامر باسلوب كيد الحريم ولفهم ودورانهم بعدها راح ترتفعين بعينه وراح يستحي من نفسه كل مامر على باله هذا الموقف ان شاء الله والله يسخر لكم وزي ماوصيتك الله الله بالحكمه والتروي...

بعينك الله حبيبتي


هاي مشكلة العصر


كل الرجال متزوجين ولا مش متزوجين عينهم زايغة ان كانت برا البيت أو جوا البيت
اصبري واحتسبي أمر لله وادعي ربنا يهديه ويصلح أمرو

ااااااااااااااااااااااااااااااااااااااااه
كأنك تكلميني عن حالي أعاننا الله

السلام عليكم ورحمه الله

ياختي يا ام عموره .. تسرعتي وقت اللي حذفتي المستندات .. وصراحه ما الومك كثير لاني لو بمكانك اسويها لاني اثور بسرعه ..

المهم خلي ببالك اللي خلها من الاول بيرجعها مره ثانيه ..

وبعد ياقلبي ووقت اللي شفتي الصور للبنات .. سألتيه اذا هو يعرفهم ..

وتناقشي معه لو انتي تحفظين صور الرجال وافلام اللي بالي .. بالك؟؟

وش بتكون رده فعله؟؟؟

وانصحك اكثري من الدعاء باخر الليل .. ومدام اخلاقه عاليه ذكريه بطريقه غير مباشره انه زاح عن الطريق المستقيم..

وحاولي تسالينه عن الرغبات اللي يبيها ويبيك تسوينها لك..

ويارب ان شاء الله يرده لك ويريح لك بالك وبال المسلمين .. :27:

انتي لي سوتيه صح حتى انا اذاكنت بمكانك بسوي لي سوتيه