صدمتين بوقت واحد اعتراف خوات زوجي واللي شفته بجواله 💔

الله يصبحكم بالخير خوات دنياي باعتبركم وبافضفض حبيباتي بادخل بدون مقدمات مشكلتي مشكله وبمصيبه يارب فرجك
انا تزوجت من 8 شهور خوات زوجي مابحياتي شفتهم ولااعرف شخصياتهم هذا قبل زواجنا دخلت بشخصيتي بدون تصنع شفتهم طيروني فوق يجي زوجي يقول خواتي بس يمدحونك ويمدحون طيبتك قلت ماعليهم زود انا محترمتهم وهم محترميني يمكن قالوا هالشي لان مرتين خالتي ام زوجي تغلط علي وانا اقسم بالله ماهو تصنع بس تربيتي ماتسمح لي ارادد وحده بعمر امي اقول سمي وابشري
اذ جلست معهم بجلسه يقولون قدام زوجي ماشالله يازوجتك اطيب منها ماشفنا طبعا اللي قالت هالكلام عشانها شافتني بنتها عمرها 4 سنوات تبكي وطولت تبكي ماسكتت وعطيتها جوالي عشان تسكت مسكت جوالي وطيحته بالارض بقوه وماعصبت اخذته منها يعني انا اتصرف تصرف عادي هم يحسونه شي كبير للامانه يحبوني مثل خواتهم ويحترومني لدرجه اختهم تخرجت من الجامعه وسوو حفله كبيره بشاليه واستغربت عزموني بس انا وحريم اخوانهم الثانيات ماعزموهم
فيه تصرف غريب صصار قبل يومين يابنات اقسم بالله ماخلاني انام الليل شتت عقلي جنني عجزت استوعبه شي كيف يعترفوني لي بشي زي كذا كنا جالسين انا وثنتين من خواته كانوا عازميني وملزمين علي هم اللي ماتزوجن قعدنا شوي الا قالن لي خوذي المصحف احلفي انك ماتجيبين طارينا عند اخونا بالكلام اللي بنقوله ووجيههم متغيره مرره قلت وش السالفه وحلفت ماجيب طاريهم عند اخوهم قالن بنتكلم معك بصراحه قلت سمن تكلمن قالن اولا انتي حامل ؟ قلت لا قالت اشوا ماحملتي واستغربت قالوا لي عجزنا نصبر ضميرنا يانبنا انتي وحده طيبه ومحترمه ونظيف قلبك وتستاهلين واحد احسن من اخونا قلت وش السالفه طيب ؟ قالن نصيحه لاتكملين مع اخونا تراه راعي بلاوي وراعي بنات وانتي على نياتك
رحت اشوف جواله اتاكد اول ماجاء من الدوام نام اخذته لاني اعرف انه مابيصحى الا من اليوم الثاني لقيت يابنات زي ماقالوا بالضبط محادثات وملاحظات وبلاوي ومحظورات شرعيه قبل زواجنا وبعده مستمر شي شل عقلي انا كنت الاحظ تصرفاته وانشغاله بس كان يبرر انه ضغط من الشغل وشلون اتصرف منهاره ابكي ابكي كرهته بشكل ماحد يصدقه مانكسرت زي ماكسرني الشي اللي جنني زياده ليه قالوا لي ؟ امور متداخله ببعضها
وشلون اتصرف تعبت بكي مادري وين اروح ولمين اشكي تكفون لاحد يبخل علي اعطوني راي سديد عسى ربي مايذيقكم حزن ولا مصيبه لاابنفسكم ولا باهليكم